«لۋكويل» كومپانياسى ديرەكتورلار كەڭەسىنىڭ توراعاسى راۆيل ماگانوۆ قايتىس بولدى, دەپ حابارلايدى Egemen.kz Daily Mail باسىلىمىنا سىلتەمە جاساپ.
«لۋكويل» اق ديرەكتورلار كەڭەسىنىڭ توراعاسى راۆيل ماگانوۆتىڭ اۋىر ناۋقاستان كەيىن قايتىس بولعانىن قايعىرىپ حابارلايمىز. راۆيل ۋلفاتوۆيچ كومپانيانىڭ دامۋىنا عانا ەمەس, بۇكىل رەسەيدىڭ مۇناي-گاز سالاسىنىڭ دامۋىنا ۇلەس قوستى», دەلىنگەن حابارلامادا.
ايتا كەتەيىك, ءبىر كۇن بۇرىن ماسكەۋدەگى مارشال تيموشەنكو كوشەسىندەگى ورتالىق كلينيكالىق اۋرۋحانا عيماراتىنىڭ جانىنان راۆيل ماگانوۆتىڭ ءمايىتى تابىلعان بولاتىن. توپ-مەنەدجەر التىنشى قاباتتىڭ تەرەزەسىنەن قۇلاپ كەتكەن دەگەن بولجام بار.
67 جاستاعى ماگانوۆ «لۋكويل» كومپانياسىندا 1993 جىلدان بەرى ۆيتسە-پرەزيدەنت بولىپ جۇمىس ىستەگەن. 2006 جىلى «لۋكويل» كومپانياسىنىڭ ءبىرىنشى اتقارۋشى ۆيتسە-پرەزيدەنتى بولدى. ول 2020 جىلدان بەرى ديرەكتورلار كەڭەسىن باسقاردى.