الماتىدا قاڭتار وقيعاسى كەزىندە ۇرلانعان 2 قاپ قارۋ-جاراق پەن وق-ءدارى تابىلدى, دەپ حابارلايدى Egemen.kz.
«الماتى قالاسى جانە الماتى وبلىسى بويىنشا ۇقكد قىزمەتكەرلەرى مەن الماتى قالاسى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى قاڭتارداعى تارتىپسىزدىك كەزىندە ۇرلانعان قارۋ-جاراقتى تاپتى. ەكى قاپ قارۋ مەن وق-ءدارى گەتە كوشەسىندەگى قويماعا جاسىرىلعان», دەپ كورسەتتى ۆەدومستۆو وكىلدەرى.
قاپتا كالاشنيكوۆ اۆتوماتى, «شتۋرم» بەس رەت وقتالاتىن ۇڭعىلى شولاق مىلتىعى, 9 مم كاليبرلى گاز رەۆولۆەرى, ەكى گراناتا, ءارتۇرلى كاليبرلى 200-گە جۋىق پاترون بولعان.
اتالعان دەرەك بويىنشا قر قك-ءنىڭ 287-بابى 3-بولىگىنە سايكەس سوتقا دەيىنگى تەرگەۋ امالدارى باستالدى.