ەلىمىزدىڭ ەڭ ۇزدىك ورەندەرى

جۇدىرىعى جويقىن جىگىتتەردىڭ كوشىن داڭقتى گەننادي گولوۆكين (42-1-1, 37 كو) باستاپ تۇر. ەكىنشى ورىندا – جانىبەك ءالىم­حان ۇلى (12-0, 8 كو). تىپتەن دۋالى اۋىز مامانداردىڭ وزدەرى كۇنى كەشە عانا WBO تۇ­جىرىمىنىڭ تەڭدەسسىزى دەپ تانىلعان قازاق­تىڭ قايسار ۇلى­نىڭ باعىندىرار بەلەس­تەرى بۇدان دا بيىك بولادى دەپ وتىر. ءۇشىنشى ساتىعا سەرگەي ليپينەتس (17-2-1, 13 KO) جايعاستى. جۋىردا جارتىلاي ورتا سالماقتا WBC-تىڭ التىن بەلبەۋىن يە­لەنگەن بۇل جىگىت رەسەيدىڭ تۋى استىندا ونەر كورسەتەتىنى بەلگىلى. دەسەك تە ول اقتوبە وبلىسى, مارتوك اۋىلىنىڭ تۋماسى ەكەنىن جان­كۇيەر­لەر جاقسى بىلەدى. بالكىم, Boxrec.com سايتى لي­پينەتستى قازاقستاندىق بوكسشىلاردىڭ قاتا­رىنا قوسقاندا وسى جايتتى ەسكەرگەن بولار.

سونداي-اق توپ-10 بوكسشىنىڭ قاتارىنا مەيىرىم نۇرسۇلتانوۆ (17-0, 10 كو), رۋسلان ما­ديەۆ (14-2, 5 كو), جان كوسوبۋتسكي (18-0, 17 كو), بەكمان سويلىباەۆ (14-1, 5 كو), قانات يس­لام (28-1, 22 كو), دانيار ەلەۋسىنوۆ (11-0, 6 كو) جانە باتىر جۇكەمباەۆ (19-1, 15 كو) ەندى.