كاسىپكەرلەردىڭ سپورت سالاسىن قولداۋعا ايرىقشا كوڭىل ءبولىپ جۇرەتىنى قۋانتادى. مۇنىڭ ءوزى ەل ىشىندە بۇقارالىق سپورتتىڭ قانات جايۋىنا يگى سەپتىگىن تيگىزەدى دەپ سەنىممەن ايتۋعا بولادى.
تاياۋدا شەت اۋدانىنداعى اقادىر كەنتىنە «قازسولار-50» جشس-ءى ۆولەيبول الاڭىن سىيعا تارتتى. بۇل جوبا شەت اۋداندىق اكىمدىگى مەن كاسىپورىن اراسىنداعى ەكىجاقتى مەموراندۋم اياسىندا جۇزەگە اسقان ەدى. اقادىرلىقتاردى قۋانتقان ۆولەيبول الاڭى بارلىق زاماناۋي تالاپتارعا ساي كەلەدى. ونىڭ ورنالاسقان جەرى دە اۋەسقويلارعا اسا ىڭعايلى: فۋتبول جانە حوككەي الاڭدارىنىڭ جانىنان ورىن تەپكەن.
شەت اۋدانىنىڭ اكىمى مۇحيت مۇحتاروۆ بۇل يگىلىكتى شارۋانىڭ ءدال بالالار جىلى اياسىندا ىسكە اسقانىنا ريزاشىلىق ءبىلدىردى. ول بۇگىندە اۋدان كولەمىندە ۆولەيبولعا دەگەن قىزىعۋشىلىقتىڭ زور ەكەنىن اتاپ ءوتتى.
– ءبىزدىڭ اۋداننىڭ بالالارى قازىر سپورتتىڭ وسى تۇرىمەن قۇلشىنا اينالىسىپ, وبلىستىق دەڭگەيدەگى ءتۇرلى جارىستاردا جۇلدەلى ورىندارعا يە بولىپ ءجۇر, – دەيدى اۋدان باسشىسى.
اقادىر كەنتىندەگى يۋ.گاگارين اتىنداعى مەكتەپ-ليتسەيدىڭ 11-سىنىپ وقۋشىسى سالامات سىمبات ۇلى زاماناۋي الاڭنىڭ پايدالانۋعا بەرىلگەنىنە قۋانىشتى ەكەنىن جەتكىزدى.
– ۆولەيبول الاڭى كەرەمەت! ەڭ باستىسى, ءبىز ءوزىمىزدىڭ سۇيىكتى ويىنىمىزبەن الاڭسىز اينالىسۋعا مۇمكىندىك الدىق, دەگەن ول سپورت نىسانىن سالىپ, تارتۋ ەتكەن ازاماتتارعا العىس ايتتى.
قاراعاندى وبلىسى,
شەت اۋدانى,
اقادىر كەنتى