نۇر-سۇلتان قالاسى اكىمدىگى جانىنداعى ساياسي قۋعىن-سۇرگىن قۇرباندارىن تولىق اقتاۋ جونىندەگى وڭىرلىك كوميسسيا جۇمىس توپتارىنىڭ وتىرىسى ءوتتى, دەپ حابارلايدى Egemen.kz.
مەملەكەت باسشىسىنىڭ ءتيىستى جارلىعى 2020 جىلدىڭ قاراشا ايىندا شىققان. ساياسي قۋعىن-سۇرگىندەردى اقتاۋ جونىندەگى مەملەكەتتىك كوميسسيا حح عاسىردىڭ 20-50 جىلدارىنداعى ەل تاريحىن زەردەلەۋدىڭ, زۇلمات وقيعالار حرونيكاسىن تولىق قالپىنا كەلتىرۋدىڭ جانە توتاليتاريزم جاعدايىندا زارداپ شەككەن قازاقستاندىقتار تۋرالى تاريحي ەستەلىكتى ساقتاۋدىڭ جاڭا كەزەڭىن باستادى.
وتىرىس بارىسىندا وڭىرلىك كوميسسيا قىزمەتىنىڭ الداعى مىندەتتەرى جانە «اقمولا ءوڭىرى 1920-1940 جج.مۇراعاتتىق قۇجاتتاردا» قۇجاتتار جيناعىن ساقتاۋ جانە جاريالاۋ ماسەلەسى تالقىلاندى.
كەڭەس قاتىسۋشىلارى ءوزارا پىكىر الماسىپ, كۇن تارتىبىندەگى ماڭىزدى ماسەلەلەردى تالقىلاپ, الداعى جۇمىستى ناقتىلادى.
ايتا كەتسەك, نۇر-سۇلتان قالاسى اكىمدىگىنىڭ جانىنداعى وڭىرلىك كوميسسيا ىشكى ساياسات باسقارماسىنىڭ ۇيلەستىرۋىمەن ءوز جۇمىسىن جالعاستىرۋدا, 2022 جىلدىڭ ماۋسىم ايىنان باستاپ نۇر-سۇلتان قالاسى اكىمدىگىنىڭ جانىنداعى «قوعامدىق كەلىسىم» كمم جۇمىس ورگانى بولىپ بەكىتىلگەن.