ۇلىبريتانيانىڭ بۇرىنعى كوشباسشىسى ۋينستون چەرچيللدىڭ الەمدەگى ەڭ تانىمال فوتوسۋرەتتەرىنىڭ ءبىرى كانادانىڭ وتتاۆاداعى Fairmont Chateau Laurier قوناقۇيىنىڭ قوناق بولمەسىنەن جوعالىپ كەتتى, دەپ حابارلايدى Egemen.kz.
ايتا كەتەيىك, وتتاۆا قالاسىنىڭ ورتالىعىندا ورنالاسقان قوناقۇي قىزمەتكەرى وتكەن جۇما كۇنى قابىرعادا ءىلۋلى تۇرعان پورترەت 1998 جىلى قابىرعاعا ىلىنگەن تۇپنۇسقا ەمەس, كوشىرمە ەكەنىن انىقتاعان. ول بۇل فوتونىڭ فوتوگراف يۋسۋف كارش تۇسىرگەن بولمەدەگى بەس پورترەتتەن وزگەشە ەكەنىن, جاقتاۋى سايكەس كەلمەيتىنىن بايقاعان.
20-شى عاسىردىڭ ەڭ تانىمال فوتوگرافى كارش 1941 جىلى ۇلىبريتانيانىڭ سول كەزدەگى پرەمەر-ءمينيسترى چەرچيللدى وتتاۆاعا كەلگەن كەزىندە تەمەكىسىز سۋرەتكە تۇسىرگەن.
كاسىبي تەكسەرۋدەن كەيىن قوناقۇي فوتوسۋرەتتىڭ شىنايى ەمەس ەكەنىن راستادى. وتتاۆا پوليتسياسى قازىر پورترەتتى ۇرلاۋ فاكتىسىن تەرگەپ جاتىر.
ايتا كەتەيىك, قوناق ۇيدە 15 تۇپنۇسقا سۋرەت بار. ونىڭ التاۋى چەرچيللدىڭ پورترەتى بار زالدا ورنالاسقان.