قر اقپارات جانە قوعامدىق دامۋ مينيسترلىگى ءدىن ىستەرى كوميتەتىنىڭ ارنايى جوباسى اياسىندا اعىمداعى جىلدىڭ 15-16 تامىز ارالىعىندا نۇر-سۇلتان قالاسىندا ءدىن ماسەلەلەرى جونىندەگى رەسپۋبليكالىق اقپاراتتىق-ءتۇسىندىرۋ توبىنىڭ (راتت) ماماندارى قازاقستاندىق قوعامنىڭ ءداستۇرلى, مادەني جانە وتباسىلىق قۇندىلىقتارىن نىعايتۋعا باعىتتالعان ءدىني – اعارتۋشىلىق جۇمىسىن, سونىمەن قاتار ءدىني ەسترەميزىمنىڭ تارالۋىن الدىن الۋعا باعىتتىلعان رۋحاني-اعارتۋ جۇمىسىن ۇيىمداستىرۋ شەڭبەرىندە جەرگىلىكتى تۇرعىندارمەن بىرقاتار ءىس-شارا مەن كەزدەسۋلەر وتكىزىلدى, دەپ حابارلايدى Egemen.kz.
اتالعان كەزدەسۋلەرگە راتت مۇشەلەرىنەن (تەولوگتار, ءدىنتانۋشىلار) – ا.ي.جاراس, ب.ر.شەريازدانوۆ, ي.ت.بەرداليەۆ, ب.ا.مىرزاەۆ تارتىلدى.
15 تامىزدا نۇر-سۇلتان قالاسىندا «ارتەم», «ايماك-تاۋ», «شاپاعات», «الەم», «Big شانحاي» جانە «شارىن» بازارلارىنىڭ ساۋداگەرلەرى اراسىندا, № 6636 - ءاب اسكەري قىزمەتكەرلەرى اراسىندا, «استانا جاستارى» كمم مەكەمەسىنىڭ ەرىكتىلەرىمەن جانە ت.ب. كەزدەسۋلەر وتكىزىلدى.
سونداي-اق 16 تامىزدا راتت مۇشەلەرىنىڭ قاتىسۋىمەن نۇر-سۇلتان قالاسىندا اقمولا وبلىستىق جەدەل بولىمشەسىنىڭ اسكەري قىزمەتكەرلەرى اراسىندا, «نۇر-استانا» مەشىتىنىڭ جاماعاتتارىمەن, №2 «بالالار مەن جاسوسپىرىمدەر سپورت مەكتەبى» كمم, № 6 جانە № 8 «وليمپيادالىق رەزەرۆتىڭ مامانداندىرىلعان بالالار-جاسوسپىرىمدەر سپورت مەكتەبى» كمم مەكەمەلەرىنىڭ سپورتشىلارىمەن سپورت جاتتىقتىرۋشىلارى اراسىندا سەمينار ۇيىمداستىرىلدى.
وتكىزىلگەن ءىس-شارالاردا قالا تۇرعىندارىنا قازاقستاندا تۇراتىن بارلىق كونفەسسيالار مەن ەتنوستاردىڭ بەيبىت ءوزارا ءىس-قيمىلى مەن قاتار ءومىر سۇرۋىنە, قازاقستان حالقىنىڭ مادەنيەتى مەن رۋحاني مۇراسىنا, دەسترۋكتيۆتى جالعان ءدىني جانە راديكالدى يدەيالاردىڭ زياندىلىعىنا باعىتتالعان ءدىن سالاسىنداعى مەملەكەتتىك ساياساتتىڭ ءمانى تۋرالى اقپاراتتار بەرىلدى.
سونىمەن قاتار ساراپشىلار ءدىننىڭ رۋحاني-ادامگەرشىلىك قۇرامداس بولىگى ماسەلەلەرىنە, قازىرگى قازاقستاندىق قوعامداعى ايەلدەردىڭ ءرولى مەن الەۋمەتتىك مارتەبەسىن ارتتىرۋعا, سونداي-اق دەسترۋكتيۆتى ءدىني اعىمداردىڭ اسەرىنە قارسى تۇرۋ شارالارىنا ەرەكشە نازار اۋداردى.
تىڭداۋشىلار تاراپىنان دا راتت مۇشەلەرىنە
سۇراقتار قويىلىپ, ساۋالدارعا تۇجىمدى جاۋاپتار الىندى.