بۇگىن پاۆلوداردا 36 جاستاعى ەر ادامنىڭ ۇيىنەن ءورت شىقتى, دەپ حابارلايدى Egemen.kz.
24 تامىز كۇنى ساعات 04:14-تە 101 نومىرىنە ەرتىس باقشاسىندا ساياجايدا ءورت شىققانى تۋرالى حابارلاما كەلىپ تۇسكەن. ءورت سوندىرۋشىلەر اۋدانى 30 شارشى مەتردى قۇرايتىن ءبىر قاباتتى كىرپىش ءۇي تولىعىمەن جانىپ كەتكەنىن حابارلادى.
«گاز-تۇتىننەن قورعاۋ قىزمەتى 36 جاستاعى ەر ادامنىڭ كۇيىپ كەتكەن ءمايىتىن تاپتى, سونداي-اق كۇيىك شالعان 62 جاستاعى ساياجاي يەسىن ءبىرىنشى قالالىق اۋرۋحاناعا جاتقىزدى», دەپ حابارلادى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.
سونىمەن قاتار شاتىردان 27 ليترلىك گاز باللونى شىعارىلدى.ء ورتتى پاۆلودار وبلىسى توتەنشە جاعدايلار دەپارتامەنتىنىڭ 11 قىزمەتكەرى ەكى ارنايى تەحنيكانىڭ كومەگىمەن ءسوندىردى. ءورتتىڭ سەبەبى مەن كەلتىرىلگەن زالال مولشەرى انىقتالۋدا.