وتكەن مەن بۇگىندى ساباقتاستىرعان...

كورمەگە حالقىمىزدىڭ عا­سىردان عاسىرعا جالعاسىپ كەلە جاتقان مادەنيەتى مەن سالت-ءداس­تۇرىن بەينەلەگەن زەر­گەر­لىك بۇيىم­دار, كيىز باسۋ, گو­بە­لەن, كە­راميكا جانە تەرى وڭ­دەۋ سەكىلدى سان ءتۇرلى ونەر­دى يگەر­گەن بەرىك ءالىباي, زەينەل­حان مۇحامەتجان, سەرجان با­شيروۆ سەكىلدى جيىرمادان اسا قا­زاقستاندىق قول­دانبالى ونەر شەبەرلەرىنىڭ جۇ­مىستارى قو­يىلدى. اتالعان شەبەرلەردىڭ قولىنان شىققان ءاربىر بۇيىم – وتكەن مەن بۇگىنگىنى ءساتتى سا­باقتاستىرا بىلگەن ۇلتتىق بوياۋىمەن ەرەكشەلەنەدى. سونىمەن قاتار گوبەلەن شەبەرلەرىنىڭ اس­قان شەبەرلىك پەن كوركەم كوم­پو­زيتسيادا بىرلەسىپ جاساعان ءداستۇرلى «قۇراق» جانە كيىز ءۇيدىڭ كەرەگەسىن وڭدەۋگە ارنال­عان جۇمىس ۇستەلىنىڭ ينستالليا­تسياسى جۇرتشىلىقتىڭ قى­زىعۋشىلىعىن وياتتى.

مادەني ءىس-شارانىڭ اشى­لۋىندا ۇلتتىق مۋزەي ديرەك­تو­رى­­نىڭ ورىنباسارى اباي ساتى­­بالدين كورمەنىڭ ماڭىزىنا توق­تالىپ, وعان 180-گە جۋىق تۋىندى ۇسىنىلعانىن ايتتى.

«ۇلتتىق قولونەرىمىز سوناۋ كوش­پەلى كەزەڭنەن باستاپ, بۇ­گىنگە دەيىن ءوز اسەمدىگىمەن قول­دا­نىستان قالماي كەلە جات­قان اسىل قازىنامىز. ونەر شە­بەرلەرىنىڭ ءار كەزەڭدەگى ءتۇرلى باعىتتا بەدەرلەگەن عاجايىپ دۇنيەلەردىڭ مادەني-رۋ­حاني كە­ڭىستىگىمىزدەگى العان ورنى زور. سوندىقتان كور­مەگە ۇسىنىلعان ءاربىر تۋىندى كەلۋشىلەردىڭ جۇ­رەگىنەن ەرەكشە ورىن الاتىنىنا سەنىمدىمىن», دەسە بەلگىلى تاريحشى عالىم شايزادا توقتاباەۆا الەمدىك ما­دە­نيەتتىڭ دامۋىنا ۇلەس قوسقان تاريحي جادىگەرلەرىمىزدى ۇلتتىق مۇ­رامىز رەتىندە ساقتاپ قانا قوي­ماي, ونى ۇرپاق ساناسىنا ءسىڭىرىپ, كەڭىنەن ناسيحاتتاۋ كەرەك ەكەندىگىن ءسوز ەتتى.

قىسقاسى, مۋزەي تورىندە ءسان قۇرعان ساندىك-قولدانبالى ونەر تۋىندىلارى كورمەنى تاما­شا­لاۋ­عا كەلگەندەردىڭ كوڭىلىنەن شىق­تى.