قازاقستاندا Hyundai Accent پەن Hyundai Creta مودەلدەرىنىڭ ءوندىرىسى ۋاقىتشا توقتاتىلدى, دەپ حابارلايدى Egemen.kz Astana Motors كومپانياسىنىڭ ءباسپاسوز قىزمەتىنە سىلتەمە جاساپ.
«گەوساياسي جاعدايعا بايلانىستى كوكتەمدە رەسەي فەدەراتسياسىنان جيىنتىقتاۋىشتار جەتكىزىلىمى توقتاتىلدى. وسى ۋاقىتقا دەيىن كاسىپورىن قوردا قالعان جيىنتىقتاۋىشتاردى پايدالانىپ جۇمىس ىستەدى, سونداي-اق Hyundai Motor Company-مەن باسقا ەلدەردەن جيىنتىقتاۋىشتاردى جەتكىزۋگە شۇعىل كۆوتا تۋرالى كەلىستى. قازىرگى ۋاقىتتا بولاشاقتاعى جەتكىزىلىمدەر جانە جاڭا لوگيستيكالىق تىزبەكتەر تۋرالى ماسەلە پىسىقتالۋدا», دەلىنگەن كومپانيا حابارلاماسىندا.