ر. م. امانجولوۆ جانە باسقا دا تۇلعالارعا قاتىستى قىلمىستىق ءىس سوتتا قارالادى, دەپ حابارلايدى Egemen.kz نۇر-سۇلتان قالاسى سوتىنىڭ ءباسپاسوز قىزمەتىنە سىلتەمە جاساپ.
«ر. م. امانجولوۆ جانە باسقا دا تۇلعالارعا قاتىستى قىلمىستىق ءىس نۇر-سۇلتان قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ءىس جۇرگىزۋىنە قابىلداندى», دەلىنگەن ەلوردا سوتىنىڭ ءباسپاسوز قىزمەتى تاراتقان حابارلامادا.
اتالعان قىلمىستىق ىسكە قاتىستى الدىن الا تىڭداۋ 2022 جىلعى 24 تامىز ساعات 10:00-عا بەلگىلەنگەن.
ەسكە سالساق, ەلورداداعى LRT-نىڭ قۇرىلىسى 2019 جىلى ساۋىردە توقتاتىلعان ەدى.
2020 جىلدىڭ قاڭتارىندا LRT قۇرىلىسىنا قاتىستى ءىستى تەرگەۋ شارالارى اياقتالدى.
سول جىلى قازاندا «استانا LRT» كومپانياسى بويىنشا ءىس سوت قاراۋىناجولداندى.
سونداي-اق, بيىل 13 تامىزدا نۇر-سۇلتان قالاسىنىڭ پروكۋراتۋراسى ەلوردا اكىمىنىڭ بۇرىنعى ورىنباسارى قانات سۇلتانبەكوۆ پەن «استانا LRT» جشس باسقارما توراعاسى تالعات اردانعا قاتىستى قىلمىستىق ءىستى سوتقا جولدانعانى تۋرالى حابارلادى.