الماتىدا قازاقستاننىڭ كورنەكتى مەملەكەت جانە قوعام قايراتكەرى دىنمۇحامەد قوناەۆتى ەسكە الۋ كۇنى ءوتتى, دەپ حابارلايدى Egemen.kz.
الدىمەن كەڭساي زيراتىندا ەسكە الۋ ءراسىمى ءوتتى. كەيىن قالا ورتالىعىندا ونىڭ مۇسىنىنە گۇل شوقتارى قويىلدى, وعان دىنمۇحامەد قوناەۆتىڭ تۋىستارى مەن جاقىندارى, الماتى قالاسى اكىمىنىڭ ورىنباسارى ارمان قىرىقباەۆ, قوعام وكىلدەرى مەن قالا تۇرعىندارى قاتىستى.
سونداي-اق, دىنمۇحامەد قوناەۆتىڭ مۇراجاي-ۇيىندە جاڭارتىلعان ەكسپوزيتسيالار بويىنشا ەكسكۋرسيا وتكىزىلدى. ماماندار كورنەكتى مەملەكەت قايراتكەرىنىڭ 110 جىلدىعىن مەرەكەلەۋ اياسىندا مۇراجايدا قالپىنا كەلتىرۋ جۇمىستارىن جۇرگىزدى.
دىنمۇحامەد قوناەۆتىڭ مۇراجاي-ءۇيى وسى جىلدىڭ 19 ساۋىرىندە رەستاۆراتسيادان كەيىن قايتا اشىلدى. قالپىنا كەلتىرۋ جۇمىستارىنا مۋزەي جانە ارحيۆ ءىسى سالاسىنداعى جەتەكشى ماماندار, ديزاينەرلەر, مۇسىنشىلەر, سۋرەتشىلەر, بەينەينجەنەرلەر تارتىلدى. جۇمىس بارىسىندا دىنمۇحامەد قوناەۆتىڭ حالىقارالىق قورىمەن كەلىسىلگەن تۇجىرىمداما مەن جوبانىڭ ەسكيزى ازىرلەندى.