رەسەيدىڭ بەلگورود وبلىسىندا وق-ءدارى قويماسى ورتەندى. زارداپ شەككەندەر جايلى دەرەك جوق. بۇل تۋرالى وبلىس اكىمى ۆياچەسلاۆ گلادكوۆ ءوزىنىڭ Telegram-ارناسىندا حابارلادى, دەپ جازادى Egemen.kz.
«بەلگورود وبلىسى, ۆالۋيسكي اۋدانى, تيمونوۆسكوە سەلولىق وكرۋگىندە ورنالاسقان وق-ءدارى قويماسى ورتەندى. سوڭعى مالىمەتتەر بويىنشا, زارداپ شەككەندەر جوق. اۋدان باسشىسى تيمونوۆو جانە سولوتي اۋىلدارىنىڭ تۇرعىندارىن قاۋىپسىز جەرگە كوشىرىپ جاتىر», دەپ جازدى گلادكوۆ.
ونىڭ ايتۋىنشا, وقيعا ورنىندا جەدەل قىزمەتتەر جۇمىس ىستەپ جاتىر, ءورتتىڭ شىعۋ سەبەبى انىقتالۋدا.