بۇل تۋرالى قارجىلىق مونيتورينگ اگەنتتىگى ءمالىم ەتتى, دەپ حابارلايدى Egemen.kz.
قما جەدەل-تەرگەۋ ءىس-شارالارى بارىسىندا ءبىر توپ ازامات تۇركىستان وبلىسى جانە شىمكەنت قالاسىندا ورنالاسقان قويما ءۇي-جايلارىندا جاساندى الكوگول ءونىمىن ءوندىرۋ بويىنشا 3 جاسىرىن تسەح جۇمىستارىن ۇيىمداستىرىپ, زاڭسىز ءونىمدى تۇركىستان وبلىسى اۋماعىندا ورنالاسقان ساۋدا ورىندارىنا ساتقان.
تسەحتەردە جۇرگىزىلگەن ءتىنتۋ كەزىندە 5,5 مىڭ دانا ەسەپكە الۋ-باقىلاۋ ماركالارى, 5 توننادان اسا قۇرامىندا ءسپيرتى بار سۇيىقتىق, 6,5 مىڭ بوتەلكە اراق, 24 مىڭنان اسا زاتتاڭبا انىقتالىپ, تاركىلەندى. اتالعان دەرەكتەر بويىنشا سوتقا دەيىنگى تەرگەۋ امالدارى جۇرگىزىلۋدە.