پەداگوگ ماماندىعىندا وقىپ جۇرگەندەردىڭ تاجىريبەدەن ءوتۋ ءتارتىبى وزگەرەدى

«تاجىريبەدەن ءبىرىنشى كۋرستان باستاپ وتكىزۋدى ۇيىمداستىرىپ وتىرمىز. ءبىرىنشى كۋرستان باستاپ وتكەنى جاقسى, بىراق ونى وتكىزۋ بارىسىنا قاتىستى سۇراقتار بار. ماسەلەن, ستۋدەنت تاجىريبەدەن ءوزىنىڭ تۋعان اۋىلىنداعى شاعىن جيناقتى مەكتەپتەن وتۋگە ءوتىنىش بىلدىرەدى. ءوز كەزەگىندە ۋنيۆەرسيتەت بۇل وتىنىشكە كەلىسىمىن بەرەدى. بۇل مەكتەپتە ءتيىستى دەڭگەيدە ءتالىم-تاربيە بەرەتىن ادام بار ما؟ ويتكەنى جاس ماماندى كاسىپتىك تاجىريبەدەن ەكىنىڭ ءبىرى وتكىزە المايدى. ول جەردە قانداي ادىستەر بار, ونىمەن كىم قالاي جۇمىس ىستەيتىنىنە ەشكىم ءمان بەرىپ وتىرعان جوق. سوندىقتان تۋعان جەرىندەگى مەكتەپتەن تاجىريبەدەن وتكەن كەزدە وعان ءتيىستى ءتالىم بەرەتىن ادام بولماسا, ودان قانداي ساپا تالاپ ەتە الامىز», دەدى ا. ايماعامبەتوۆ رەسپۋبليكالىق تامىز كونفەرەنتسياسىنىڭ پانەلدىك سەسسياسىندا.

سونداي-اق مينيستر بۇل باعىتتاعى تارتىپكە قازىر وزگەرتۋ ەنگىزىلىپ جاتقانىن ايتتى.

ء«بىز جۇمىس بەرۋشى رەتىندە ءتيىستى تالاپتاردى قويامىز. بۇل تۇرعىدا تاجىريبەنى باسقاشا وتكىزۋ كەرەك. تاجىريبەدەن وتە الاتىن مەكتەپتەردىڭ ولشەمدەرىن قويۋ ەسكەرىلگەن. سەبەبى مەكتەپتە مۇعالىمدەر مەن ادىسكەرلەر بار بولسا, بۇل وقۋ ورنىندا تاجىريبەدەن ءوتىپ, ۇيرەنۋگە بولادى. سوندىقتان ۋنيۆەرسيتەتتەردە وقىپ جاتقان سۋدەنتتەردىڭ تاجىريبەدەن وتۋگە بارۋدىڭ ءوزى باسقاشا قارالادى», دەدى ۆەدومستۆو باسشىسى.

ا.ايماعامبەتوۆ جاس ماماندار مەكتەپتە تولتىرىلاتىن قۇجاتتاردى, باعالاۋ جۇيەسىن, ياعني وقۋ ورنىندا رەفورمالار جايىندا جان-جاقتى ءبىلۋى كەرەك ەكەنىن اتاپ ءوتتى.