يندور حوككەيدەن قازاقستاندىقتار تاعى جەڭىسكە جەتتى

قازاقستان ەرلەر قۇراماسى تايلاندتى 6:3 ەسەبىمەن تىزە بۇكتىردى. ولار بۇعان دەيىن يندونەزيامەن 4:4 ەسەبىمەن تەڭ ءتۇسىپ, سينگاپۋردى 6:1, قىتاي تايبەيىن 5:1 ەسەبىمەن ءسۇرىندىردى. ەندى ولار 13 تامىزدا يرانمەن, 14 تامىزدا مالايزيامەن كەزدەسەدى.

ال ايەلدەر اراسىندا قازاقستاندىق سپورتشىلار قىتاي تايبەيىن 6:0 ەسەبىمەن جەڭدى. ەلىمىزدىڭ ايەلدەر قۇراماسى بۇعان دەيىن پاكىستاننان 13:0, يراننان 5:2 ەسەبىمەن باسىم ءتۇستى. ەندى ولار 12 تامىزدا يندونەزيامەن شەبەرلىك بايقاسادى.

قۇرلىقتىق باسەكە تايلاندتىڭ بانگكوك قالاسىندا 8 تامىز كۇنى باستالدى. اتالعان تۋرنير 15 تامىزدا مارەسىنە جەتەدى.