نۇر-سۇلتان قالاسى قازاقستان حالقى اسسامبلەياسى, ەتنومادەني بىرلەستىك مۇشەلەرى, جوو تاريحشىلارى پاۆلودار وبلىسىنىڭ كيەلى نىساندارىنا باردى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
ساپاردىڭ نەگىزگى ماقساتى – ەلىمىزدىڭ تاريحي ماڭىزى بار جەرلەرىن ارالاپ, كەلەشەك ۇرپاققا ونى ءجىتى تانىستىرۋ. ساپار باعىتى ەكىباستۇز قالاسى اقكول-جايىلما اۋىلى, باياناۋىل ۇلتتىق تابيعي ساياباعى, قوڭىر اۋليە ۇڭگىرى, ءماشھۇر ءجۇسىپ كوپەەۆ كەسەنەسى جانە اۋليە بۇلاققا قاراي جاسالدى.
ەلوردالىق دوستىق ءۇيى الاڭىنان جيناقتالىپ, جولعا شىققان توپ, ەڭ الدىمەن پاۆلودار وبلىسى ەكىباستۇز قالاسى ماڭىنداعى اۋىلعا بارىپ يسابەك يشان مەشىتىنە سوعىپ, مۇراجايىمەن تانىستى.
ودان ءارى دەلەگاتسيا پاۆلودار وبلىسىنداعى باياناۋىل اۋىلىنىڭ سولتۇستىك-شىعىسىندا, 17 كم قاشىقتىقتا ورنالاسقان «قوڭىر اۋليە» ۇڭگىرىنە باردى. باسپالداقتاردىڭ ۇزىندىعى 110 مەتر, ۇڭگىردىڭ جالپى ۇزىندىعى 30 مەتر بولاتىن قوڭىر اۋليەگە تاعزىم ەتتى.
ساياحاتقا بارعان دەلەگاتسيا مۇشەلەرى «تازا بايان – تازا جۇرەك» ەكولوگيالىق سەنبىلىگىن ۇيىمداستىردى. بارلىعى بىرگە كولدىڭ جاعاسىن قوقىستان تازارتتى.
كەلەسى كەزەكتە ءماشھۇر ءجۇسىپ كوپەەۆ كەسەنەسى جانە اۋليە بۇلاققا ارحەولوگيالىق-ەتنوگرافيالىق قورىم ەسكەرتكىشىنە باردى.
كەسەنە شىراقشىسى كەلگەن دەلەگاتسياعا ءماشھۇر ءجۇسىپ كوپەەۆ تۋرالى تولىققاندى ماعلۇماتتار بەرىپ, قاتىسۋشىلار كوكەيدەگى سۇراقتارىنا جاۋاپ الدى. سونداي-اق كەسەنە باسىنا بارعان دەلەگاتسيا قۇرباندىققا مال شالىپ, قۇران وقىپ, مالدىڭ ەتىن ەلورداداعى تۇرمىسى تومەن وتباسىلارعا تاراتىپ بەردى.
ء«بىزدىڭ قاسيەتتى جەرلەرگە جاساعان ساپارىمىز كەرەمەت اسەر قالدىردى. اسىرەسە ءماشھۇر ءجۇسىپ كوپەەۆ بويىنداعى قابىلەتتەرىن ەستىپ تاڭ قالدىم. ول كەزدە ءبىلىم ءالى بەرىلگەن جوق, بىراق سوندا دا قانشاما سىناقتاردان ءوتىپ, ءوزىن دالەلدەپ شىققان. قازىر ونى بارلىعى تانىپ ءبىلۋ ءۇشىن جان-جاقتان ساياحاتپەن كەلىپ جاتىر.
سونداي-اق, قوڭىر اۋليە ۇڭىگىرىنە باردىم. ول جاققا كوتەرىلۋ مەن ءۇشىن قيىن بولدى. اينالاسىنداعى تابيعاتتان ەرەكشە اسەر الدىم. قازاقستانداعى مۇنداي عاجايىپ ورىنداردان بەيحابار ەدىم. مۇنداي جەرلەرگە العاش رەت كەلىپ وتىرمىن. مۇندا عاسىرلار بويى جاتقان تاستار مەن تاۋلار, ولاردىڭ اراسىندا ءوسىپ تۇرعان قايىڭدار ەرەكشە اسەر قالدىردى. كەلەشەك ۇرپاق ءوز ەلىنىڭ تاريحىن مىندەتتى تۇردە ءبىلىپ, دامۋى كەرەك جانە وتكەندى ءبىلۋى قاجەت. وتكەنسىز بولاشاق جوق», دەدى دەلەگاتسيا مۇشەسى, ەلوردالىق كارىس ەتنومادەني بىرلەستىگىنىڭ وكىلى پاك نادەجدا ۆاسيلەۆنا.
ايتا كەتسەك, ەلوردالىق قحا بۇعان دەيىن اقمولا, قاراعاندى وبلىستارىنىڭ كيەلى جەرلەرىنە ساياحاتتاعان بولاتىن. مۇنداي ساپارلار الداعى ۋاقىتتا ءداستۇرلى تۇردە وتەتىن بولادى.