پارلامەنت سەناتىنىڭ توراعاسى ماۋلەن اشىمبەۆ قازاقتىڭ باس اقىنى اباي قۇنانباي ۇلىنىڭ تۋعان كۇنىنە وراي facebook جانە instagram الەۋمەتتىك جەلىلەرىندە جازبا قالدىردى, دەپ حابارلايدى Egemen.kz.
«بۇگىن – قازاقتىڭ باس اقىنى اباي قۇنانباي ۇلىنىڭ تۋعان كۇنى. وسىعان وراي 2020 جىلى مەملەكەت باسشىسى قاسىم-جومارت توقاەۆتىڭ تاپسىرماسى بويىنشا 10 تامىز ەلىمىزدە اباي كۇنى بولىپ بەلگىلەندى. ۇلى ويشىلدىڭ ەسىمىن ۇلىقتايتىن اتاۋلى كۇن قۇتتى بولسىن!
حالقىمىز ءۇشىن ابايدىڭ تاعىلىمى مول مۇراسى قاشاندا قىمبات قازىنا, ۇلتىمىزدىڭ رۋحاني شامشىراعى. ويشىلدىڭ وسيەتتەرى قاي كەزەڭدە دە وزەكتىلىگىن جوعالتپايتىن قۇندىلىق, ءار بۋىنعا باعدار بولاتىن ونەگە. سوندىقتان اقىننىڭ دارا تۇلعاسىن ارداق تۇتۋ – ءار قازاقتىڭ ازاماتتىق بورىشى.
اباي كۇنى قۇتتى بولسىن! ۇلى عۇلامانىڭ ەسىمى اسقاقتاي بەرسىن!», دەلىنگەن جازبادا.