بريتان مۇراجايى نيگەريا ۇكىمەتىنە 19 عاسىردا ۇرلانعان 72 ەكسپوناتتى قايتارادى, دەپ حابارلايدى Egemen.kz ABC News-كە سىلتەمە جاساپ.
لوندون انتروپولوگيا جانە تابيعي تاريح مۇراجايى «حورنيمان مۇراجايى مەن باقتارى» نيگەريا ۇكىمەتىنىڭ ءوتىنىشىن العاننان كەيىن ارتەفاكتىلەردى, سونىڭ ىشىندە بەنين قولالارى دەپ اتالاتىن بىرنەشە مۇسىندەردى (قازىرگى ەدو, نيگەريا شتاتىنداعى بەنين كورولدىگىنىڭ سارايىن بەزەندىرگەن 13 عاسىرداعى فيگۋرالار) جەتكىزۋگە كەلىستى.
مۇراجايدىڭ قامقورشىلىق كەڭەسىنىڭ مالىمدەمەسىنە سايكەس, ەكسپوناتتار 1897 جىلى بريتاندىق اسكەري شابۋىل كەزىندە نيگەريانىڭ وڭتۇستىگىندەگى بەنين-سيتيدەن ۇرلانعان.
ۇرلانعان ارتەفاكتىلەردى قايتارۋ تۋرالى ءوتىنىش قاڭتار ايىندا ەلدىڭ تاريحي جانە مادەني قۇندىلىقتارىنىڭ ساقتالۋىن قاداعالايتىن نيگەريا مۇراجايلارى مەن ەسكەرتكىشتەرى جونىندەگى ۇلتتىق كوميسسيادان كەلدى. بريتان مۇراجايىنىڭ مالىمەتتەرى بويىنشا, سۇراۋدا كورسەتىلگەن كوللەكتسياعا نەگىزىنەن جەزدەن جاسالعان 12 بەنين قولا بۇيىمدارى كىرەدى: جەلدەتكىش, سەبەتتەر, كوكەرەلمەن مىس قۇرباندىق شالاتىن ورىن, ءپىل سۇيەگى مەن جەزدەن جاسالعان سالتاناتتى زاتتار, مىس قوڭىراۋلار جانە «پاتشا سارايىنىڭ» كىلتى.
وتكەن ايدا گەرمانيا بەنيننىڭ ەكى قولا ءمۇسىنىن قايتارىپ, نيگەريامەن ساياسي كەلىسىمگە قول قويدى.