بۇل تۋرالى عىلىم جانە جوعارى ءبىلىم ءمينيسترى ساياسات نۇربەك مالىمدەدى, دەپ حابارلايدى Egemen.kz.
ساياسات نۇربەك ۇكىمەت وتىرىسىندا عىلىمي-زەرتتەۋ ەكوجۇيەسىن قالىپتاستىرۋ جانە سەرپىندى تەحنولوگيالاردى دامىتۋ ءۇشىن ۋنيۆەرسيتەتتەردى زەرتتەۋگە اينالدىرۋ جوسپارلانىپ وتىرعانىن ايتتى.
ءمينيستردىڭ سوزىنشە, ءال-فارابي اتىنداعى قازۇۋ قازىردىڭ وزىندە زەرتتەۋ ۋنيۆەرسيتەتى مارتەبەسىن العان.
«گۋميلەۆ اتىنداعى ەۇۋ مەن م.اۋەزوۆ اتىنداعى وقمۋ-دى عىلىمي-زەرتتەۋ ۋنيۆەرسيتەتىنە كوشىرۋ جۇمىستارى جۇرگىزىلىپ جاتىر», دەدى س.نۇربەك.
سونداي-اق ول شەتەلدىك جوعارى وقۋ ورىندارىنىڭ فيليالدارىن اشۋ تۋرالى دا باياندادى.
«2021 جىلى De Montfort Leicester ۋنيۆەرسيتەتىنىڭ فيليالى اشىلدى. پەتروپاۆلدا Arizona ۋنيۆەرسيتەتىنىڭ فيليالى اشىلىپ جاتىر. شەتەلدىك ۋنيۆەرسيتەتپەن ىنتىماقتاستىق اياسىندا قوس ديپلومدىق ءبىلىم بەرۋ باعدارلامالارى ىسكە قوسىلدى.
وتەباەۆ اتىنداعى اتىراۋ مۇناي جانە گاز ۋنيۆەرسيتەتىنىڭ بازاسىندا گۋبكين اتىنداعى رەسەي مەملەكەتتىك ۋنيۆەرسيتەتىنىڭ فيليالى اشىلادى. الماتىدا ءال-فارابي اتىنداعى قازۇۋ بازاسىندا ۇلتتىق زەرتتەۋ يادرولىق ۋنيۆەرسيتەتىنىڭ فيليالى اشىلىپ جاتىر», دەدى عىلىم جانە جوعارى ءبىلىم ءمينيسترى.
سونداي-اق ونىڭ ايتۋىنشا, 2023 جىلى نۇر-سۇلتاندا Michigan State University مەملەكەتتىك ۋنيۆەرسيتەتىن اشۋ جوسپارلانىپ وتىر.