وبلىسقا ىسساپارمەن كەلگەن تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين قىزىلوردا قالاسىنىڭ №3 قالالىق ەمحاناسىنا باردى. ۆەدومستۆو باسشىسى ەمحانانى ارالاۋ بارىسىندا دارىگەرلەرمەن اڭگىمەلەسىپ, اقپاراتتىق جۇيەلەردە جۇمىس ىستەۋدە قانداي ماسەلەلەرگە تاپ بولاتىنىن سۇراپ ءبىلدى.
مەديتسينا مەكەمەسىن ارالاۋ بارىسىندا مينيستر مامموگرافيا كابينەتىنە ءوتىپ, مامموگرافيالىق اپپاراتتىڭ PACS جۇيەسىنە قالاي قوسىلعانىمەن تانىس بولدى. اتالعان جۇيە پاتسيەنتتىڭ اۋرۋىنىڭ تاريحىن بىرنەشە دارىگەردىڭ ءبىر جۇيەدەن كورۋىنە جانە ۋاقىتتى بارىنشا ۇنەمدەۋگە كومەك بەرەدى. PACS جۇيەسى قىزىلوردا وبلىسىنىڭ 13 مەديتسينالىق ۇيىمىنا ەنگىزىلگەن.
سونداي-اق مينيستر وبلىستىق دەنساۋلىق ساقتاۋ باسقارماسى مەديتسينالىق ۇيىمدارمەن تىعىز جۇمىس ىستەپ, تسيفرلاندىرۋ باعىتىندا جۇمىستاردى كۇشەيتۋ قاجەتتىگىن اتاپ ءوتتى.
بۇدان كەيىن ب.مۋسين قىزىلوردا قالاسىنىڭ حالىققا قىزمەت كورسەتەتىن تسيفرلى كەڭسەنىڭ جۇمىسىمەن تانىستى. اتالعان تسيفرلى كەڭسەدە وسى جىلدىڭ 6 ايىندا ازاماتتارعا 22 129 مەملەكەتتىك قىزمەت كورسەتىلگەن.
ۆەدومستۆو باسشىسى تۇستەن كەيىن قىزىلوردا قالاسىنداعى «دوستىق ۇيىندە» ءوڭىر تۇرعىندارىمەن كەزدەسىپ, ولاردىڭ سۇراقتارىنا جاۋاپ بەرەدى.