ورال مەحانيكالىق زاۋىتىندا ءورت شىقتى

بقو تجد ءباسپاسوز قىزمەتىنەن تۇسكەن مالىمەت بويىنشا, وقيعا 5 تامىز كۇنى ساعات 11:55-تە بولدى.

«ورال مەحانيكالىق زاۋىتى» جشس اۋماعىندا 2-تسەح شاتىرى مەن جارىق شامى جاندى. ءورت اۋماعى – 240 شارشى مەتر. جەدەل شتاب قۇرىلىپ, ء«تىلسىز جاۋدى» اۋىزدىقتاۋعا 15 تەحنيكا, 56 ادام جۇمىلدىرىلدى. ءورت 12:29-دا وقشاۋلانىپ, 12:40-تا ءسوندىرىلدى. قازا بولعاندار مەن جاراقات العاندار جوق. قازىرگى كەزدە ءورتتىڭ شىعۋ سەبەبى, كەلتىرىلگەن شىعىن انىقتالىپ جاتىر», دەپ حابارلادى ۆەدومستۆودان.

دەپارتامەنت مالىمەتى بويىنشا جىل باسىنان بەرى وڭىردە 263 ءورت تىركەلىپ, سالدارىنان 5 ادام قازا تاپتى, 4 ادام ءتۇرلى جاراقات الدى. ورتتەن كەلگەن شىعىن 177,7 ملن تەڭگەگە جۋىقتادى.