قر ەنەرگەتيكا ءمينيسترى بولات اقشولاقوۆ ترانزيتتىك كولىكتەر ءۇشىن ديزەل وتىنى سارالانعان باعامەن بەرىلەتىنىن ايتتى, دەپ حابارلايدى Egemen.kz.
«ۇكىمەت وتىرىسى بارىسىندا مەملەكەت باسشىسى ەلىمىزدىڭ ەنەرگەتيكالىق قاۋىپسىزدىگىن قامتاماسىز ەتۋ جونىندە بىرقاتار ناقتى تاپسىرما بەردى. بىرىنشىدەن, ترانزيتتىك كولىك ءۇشىن جانە شەكارا پەريمەترى بويىنشا سارالانعان باعالار ازىرلەۋ ارقىلى ديزەل وتىنىنىڭ تاپشىلىعىن بولدىرماۋ مىندەتى قويىلدى. شەكارا قىزمەتىنىڭ مالىمەتىنشە, قازاقستان رەسپۋبليكاسىندا كۇنىنە 4,5 مىڭعا جۋىق جۇك كولىگى كىرەدى, ونىڭ 70 پايىزى - شەتەلدىك كولىك. رەسپۋبليكاداعى جاڭار-جاعارماي قۇيۋ ستانتسيالارىنداعى تومەن باعالار ورتاشا ايلىق تۇتىنۋدىڭ شامامەن 120 مىڭ تونناعا وسۋىنە الىپ كەلەدى», دەدى ول ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.
ءمينيستردىڭ اتاپ وتۋىنشە, ەنەرگەتيكا مينيسترلىگى ديزەل وتىنىنا سارالانعان باعالاردى كوزدەيتىن بۇيرىق جوباسىن ازىرلەگەن.
«باعالار رەزيدەنتتىككە, تۇتىنۋ كولەمىنە جانە كولىك تۇرىنە بايلانىستى سارالانادى. وسى باعىتتاعى جۇمىس مۇددەلى مەملەكەتتىك ورگاندارمەن جانە تاراپتارمەن جالعاسادى», دەدى بولات اقشولاقوۆ.