اگرارلار قارجى سۇرايدى

«قازاقستان فەرمەرلەرى اتى­نان ءسىزدىڭ 2022 جىلدىڭ 14 شىلدەسىندە ۇكىمەتتىڭ كەڭەي­تىلگەن وتىرىسىندا ايتقان وتان­دىق اۋىل شارۋاشىلىق تەحني­كالارىنا جەڭىلدەتىلگەن نەسيەلەۋ مەحانيزمىن ەنگىزۋ تۋرالى تاپسىرماڭىزدى تو­لى­عىمەن قولدايمىز» دەگەن ول ەلىمىزدە استىق جيناۋ ناۋ­قانى تامىز ايىنىڭ ءبىرىنشى جارتىسىندا باستالاتىنىن, بىراق وتكەن جىلدارى اۋىل شا­رۋا­شىلىعى تاۋارىن وندى­رۋ­شىلەر اراسىندا جاقسى نا­تي­جە بەرگەن قازىرگى اۋىل شارۋا­شىلىعى تەحنيكاسىن ليزينگكە بەرۋ باعدارلامالارىنا قارا­جاتتىڭ جوقتىعىنان بۇگىندە اۋىل شارۋاشىلىعى تەحنيكاسىن جاپپاي جاڭارتۋ مۇمكىن ەمەستىگىن ەسكە سالدى.

اۋىل شارۋاشىلىعى مي­نيسترلىگىنىڭ دەرەگى بويىنشا, وتاندىق اۋىل شارۋاشىلىق تەحنيكالارىنىڭ پاركىندە 147,7 مىڭ تراكتور, 38,1 مىڭ كومباين بار. بۇل رەتتە ەسكىرگەن تەحنيكا ۇلەسى 80 پايىزعا جەتكەن.

«ماسەلەنىڭ ماڭىزدىلى­عىن جانە استىق جيناۋ ناۋقا­نى جاقىنداپ كەلە جاتقانىنا باي­لانىستى ماڭىزدى مەر­زىم­دەردى ەسكەرە وتىرىپ, سىز­دەن كومەك سۇرايمىز. اتاپ ايت­­قاندا, يندۋستريا جانە ينفرا­قۇرىلىمدىق دامۋ مي­نيس­تر­لىگىنە, ەكولوگيا, گەولو­گيا جانە تابيعي رەسۋرس­تار مينيستر­لى­گى­نە, اۋىل شا­رۋا­­شىلىعى مينيسترلىگى مەن «بايتەرەك» ۇبح» اق 3 پايىزعا دەيىنگى سىياقى مولشەرلەمەسىمەن باس­تاپقى جارناسىز «وكم وپەراتورى» ەسەبىنەن قارجىلاندىرۋ كولەمى 50 ملرد تەڭگە بولاتىن اۋىل شارۋاشىلىعى تەحنيكا­سىن جەڭىلدەتىلگەن ليزينگكە بەرۋ باع­دارلاماسىن ىسكە قوسۋ تۋرالى تاپسىرما بەرۋىڭىزدى سۇراي­مىز», دەيدى ج.دايراباەۆ پرە­زيدەنت­كە ايت­قان ۇسىنىسىندا.

ونىڭ سوزىنە قاراعاندا, اتال­عان باعدارلامانىڭ ىسكە قوسىلۋى پاركتەگى 1 مىڭ بىر­لىك تراكتور مەن كومبايندى جاڭار­تىپ الۋعا, ءسويتىپ استىق جيناۋ ناۋقانىنا ابىرويمەن ۇلگەرۋگە مۇمكىندىك بەرەدى.

وسىعان دەيىن سەناتور مۇح­تار جۇماعازيەۆ اۋىلشارۋا­شىلىق تەحنيكالارىن سۋبسيديالاۋدى قايتا قاراۋ كەرەگىن جەتكىزگەن ەدى. دەپۋتاتتىڭ ايتۋىنشا, تەحنيكانىڭ ەسكىلىگى­نە بايلانىستى استىق جيناۋ ناۋ­قانى دۇرىس اتقارىلماي­دى, بۇل ءوز كەزەگىندە ءوندىرىستىڭ قىسقارۋىنا جانە باسقا دا شىعىندارعا جول اشىپ بەرەدى. قازىر كاسىپورىنداردى قولداۋ ءۇشىن وتاندىق جانە شەتەلدىك تەحنيكالار سۋبسيديالانادى. وتاندىق وندىرىستەن شىعاتىن «ەسىل» جانە «ۆەكتور» كومبايندارى 40-50 ملن تەڭگە تۇرسا, يمپورتتىق Claas نەمەسە John Deere كومبايندارى 120-150 ملن تەڭگە كولەمىندە.

«سوعان ساي, قازاقستان­دىق كومبايندارعا بەرىلەتىن سۋب­سيديا 10-12,5 ملن تەڭگە­نى قۇراسا, شەتەلدەن ساتىپ الىنعان تەحنيكالار ءۇشىن 30-30,5 ملن تەڭگە بەرىلەدى. ەندى وسى قيسىنعا سالساق, مەملەكەت ءبىر يمپورتتىق كومبايننىڭ ورنىنا ءۇش بىردەي وتاندىق كومبايندى سۋبسيديالاي الادى. سول سەبەپتى وتاندىق وندى­رىسكە قولداۋ كورسەتۋىمىز كەرەك. سۋبسيديا ماسەلەسى قايتا قاراۋدى تالاپ ەتەدى», دەگەن بولاتىن م.جۇماعازيەۆ.

فەرمەرلەر مەن ساراپشى­لاردىڭ ايتۋىنشا, سوڭعى بىرەر جىل كولەمىندە اۋىلشارۋا­شىلىق تەحنيكالارى قاتتى قىم­باتتاپ كەتكەن. شامامەن 30 پايىزعا وسكەن. ەندى ولاردىڭ تاپشىلىعى دا بايقالۋدا. ءبىزدىڭ ەل اگروتەحنيكالاردى نەگىزىنەن تمد ەلدەرىنەن ساتىپ الادى.

اۋىلشارۋاشىلىق تەحنيكالارىن جەتكىزۋشى كومپانيا­نىڭ كوممەرتسيالىق ديرەك­تو­رى ويرات مۇحامەدجانوۆتىڭ ­ايتۋىنشا, بىرىنشىدەن مەتال­دىڭ قىمباتتاۋى, ەكىنشىدەن ۆا­ليۋتانىڭ تۇراقسىزدىعى تەحني­كالار باعاسىن ءوسىرىپ جاتىر.

«قازىر مەن بالاما جول رە­تىندە قىتاي, تۇركيا ەلدەرىن قاراستىرامىن. تۇركيالىق ءوندىرۋشى زاۋىتتارمەن كەلىسسوز جۇرگىزىپ جاتىرمىز» دەيدى ول.

ال اۆتوموبيل قۇراستىرۋ, ارنايى جانە اۋىلشارۋاشى­لىق ماشينا جاساۋ باسقارما­سىنىڭ باسشىسى رۋسلان حيسا­مۋتدينوۆتىڭ ايتۋىنشا, 2021 جىلى 5 714 تراكتور, 1 400 كوم­باين ساتىپ الىنعان. سونىڭ 11 پايىزى عانا – يمپورتتىق تەح­نيكا.