باتىس وڭىرلەردەگى تۇرعىنداردىڭ جالاقىسى وسەدى

«اتىراۋ جانە ماڭعىستاۋ وبلىستارىنىڭ 2021-2025 جىلدارعا ارنالعان كەشەندى جوسپارلارى ينۆەستيتسيالىق جوبالاردى ىسكە اسىرۋعا, جۇمىس ورىندارىن قۇرۋعا, تۇرعىن ءۇي جانە وزگە دە ينفراقۇرىلىمدى, الەۋمەتتىك سالانى, سونداي-اق كاسىپكەرلىك قىزمەتتى دامىتۋعا باعىتتالعان. كەشەندى جوسپارلاردا اتىراۋ وبلىسىندا 187 ءىس-شارانى جانە ماڭعىستاۋ وبلىسىندا 227 ءىس-شارانى ىسكە اسىرۋ كوزدەلگەن. كەشەندى جوسپارلاردى ىسكە اسىرۋ 2025 جىلعا قاراي جالپى وڭىرلىك ءونىمدى اتىراۋ وبلىسى بويىنشا – 8,9 ترلن تەڭگەگە دەيىن جانە ماڭعىستاۋ وبلىسى بويىنشا – 4,1 ترلن تەڭگەگە دەيىن ۇلعايتۋدى, اتىراۋ وبلىسى بويىنشا – 42 مىڭ جانە ماڭعىستاۋ وبلىسى بويىنشا – 55 مىڭ جۇمىس ورىنىن قۇرۋدى, اتىراۋ وبلىسى بويىنشا – 3,5 ملن-نان استام جانە ماڭعىستاۋ وبلىسى بويىنشا – 4 ملن تۇرعىن ءۇي شارشى مەترىن پايدالانۋعا بەرۋدى, حالىقتىڭ ناقتى تابىسىن اتىراۋ وبلىسى بويىنشا – 18 پايىزعا جانە ماڭعىستاۋ وبلىسى بويىنشا – 22 پايىزعا ءوسىرۋدى قامتاماسىز ەتەدى», دەدى ۇكىمەت باسشىسى.

ونىڭ دەرەگىنشە, كەشەندى جوسپارلاردى ىسكە اسىرۋ اياسىندا 2021 جىلى اتىراۋ وبلىسى بويىنشا – 1 193 ادام (تۇراقتى – 186 ادام, ۋاقىتشا – 1 007 ادام) جانە ماڭعىستاۋ وبلىسى بويىنشا – 13 894 ادام (تۇراقتى – 3 891 ادام, ۋاقىتشا – 10 003 ادام) جۇمىسقا ورنالاستىرىلدى.

«وسى جىلدىڭ 6 ايىنىڭ قورىتىندىسى بويىنشا اتىراۋ وبلىسى بويىنشا – 528 ادام (تۇراقتى – 112 ادام, ۋاقىتشا – 416 ادام) جانە ماڭعىستاۋ وبلىسى بويىنشا – 9 295 ادام (تۇراقتى – 977 ادام, ۋاقىتشا – 8318 ادام) جۇمىسقا تۇردى. كەشەندى جوسپارلاردى ۋاقتىلى ورىنداۋ جانە ىسكە اسىرۋ ۇكىمەتتىڭ باقىلاۋىندا», دەدى ءاليحان سمايىلوۆ.