ورماندارداعى ءورت قاۋىپتىلىگىن اۋا رايىنىڭ جاعدايلارى بويىنشا جىكتەۋ ورمانداردىڭ ءورت قاۋىپتىلىگىنە اسەر ەتەتىن مەتەورولوگيالىق جاعدايلارعا بايلانىستى ءتيىستى اۋماقتا ورمان ورتتەرى شىعۋىنىڭ جانە تارالۋىنىڭ ىقتيمالدىلىق دارەجەسىن انىقتايدى.
جىكتەۋ ماقساتتارى ءۇشىن مەتەورولوگيالىق جاعدايلاردى سيپاتتايتىن كەشەندى كورسەتكىش قولدانىلادى. كەشەندى كورسەتكىشتىڭ كولەمىنە قاراي اۋا رايى جاعدايلارى بويىنشا قازاقستان رەسپۋبليكاسىنىڭ ورماندارىنداعى ءورت قاۋىپتىلىگىنىڭ سىنىبى بەلگىلەنەدى.
قازاقستان رەسپۋبليكاسىنىڭ وبلىستارىندا اۋا رايى جاعدايلارىنا بايلانىستى ورماندارداعى ءورت قاۋىپتىلىگىنىڭ جەرگىلىكتى سىنىپتارى قولدانىلادى. وسى ارقىلى كەشەندى كورسەتكىشتى ەسەپتەۋ ادىستەمەسىن; ءورت قاۋىپتىلىگى سىنىپتارىنىڭ شەكاراسىن; جاۋىن-شاشىندى ەسەپكە الۋ ادىستەمەسىن انىقتايدى.
جەرگىلىكتى سىنىپتاردى قولدانۋ تۋرالى شەشىم ورمان شارۋاشىلىعى سالاسىنداعى اۋماقتىق بولىمشەلەردىڭ بۇيرىعىمەن رەسىمدەلەدى جانە ءارتۇرلى ۋاقىت كەزەڭدەرى ءۇشىن جەكە-جەكە بەلگىلەنۋى مۇمكىن.
اۋا رايىنىڭ جاعدايلارى بويىنشا ورماندارداعى ءورت قاۋىپتىلىگىن جىكتەۋ جونىندە ايتار بولساق, شىعىس قازاقستان وبلىسى ءۇشىن ءورت قاۋىپتىلىگىنىڭ سىنىبى كاتەگورياعا جىكتەلىنەدى. ولار I – جوق, II – ءالسىز, III –ورتاشا, IV – جوعارى, V – توتەنشە.
وسى سىنىپتاردىڭ IV-V سىنىبى بەلگىلەنگەن ۋاقىتتا «تارباعاتاي» مەملەكەتتىك ۇلتتىق تابيعي پاركى اۋماعىندا ءاردايىم اۋماقتى قاتاڭ باقىلاۋ جۇمىستارى جۇرگىزىلەدى. سونىمەن قاتار «تارباعاتاي» ۇلتتىق پاركى اۋماعىندا تۋريستىك باعىتتار بويىنشا دەمالۋشىلار مەن باسقا دا پايدالانۋشىلارعا رۇقسات قاعازدارى بەرىلمەيدى.
تابيعات اياسىنا سەرۋەندەۋ كەزىندە ءورت قاۋىپسىزدىگىن كاتاڭ باقىلاۋ, ءبىز بەن ءسىزدىڭ مىندەتىمىز ءارى تابيعاتقا تونەتىن قاتەردىڭ بولماۋىنىڭ كەپىلى.
قۋاندىق شارىپقانوۆ,
«تارباعاتاي» ۇلتتىق پاركىنىڭ ورمانشىلىق باسشىسىنىڭ مىندەتىن اتقارۋشى
اباي وبلىسى