بيىل قازاقستان ديقاندارى كيىك تاپتاعان القاپتاردان 200 مىڭ توننا استىق جوعالتۋى مۇمكىن, دەپ حابارلايدى Egemen.kz.
ەكولوگيا, گەولوگيا جانە تابيعي رەسۋرستار مينيسترلىگى ۇسىنعان دەرەكتەرگە سايكەس, باتىس قازاقستان وبلىسىندا 6,7 مىڭ, قاراعاندى وبلىسىندا 23,2 مىڭ, اقتوبە وبلىسىندا 10,3 مىڭ, قوستاناي وبلىسىندا 49,6 مىڭ جانە اقمولا وبلىسىندا 141,9 مىڭ گەكتار, جالپى 261,7 مىڭ گەكتار ەگىستىك القابى كيىك تۇياعىنىڭ استىندا قالعان.
دەمەك, شارۋالار بۇل القاپتان ءونىم الا المايدى. 2021 جىلى بولعان قۋاڭشىلىققا قاراماستان ەلىمىزدىڭ فەرمەرلەرى ورتا ەسەپپەن 1 گەكتار القاپتان 8,3 تسەنتنەردەن ءونىم الدى. ال 2020 جىلعى استىقتىڭ ورتاشا ءتۇسىمى گەكتارىنا 12,3 تسەنتنەردەن اينالعان بولاتىن.
بيىلعى ءتۇسىمدى ورتا ەسەپپەن گەكتارىنا 8,3 تسەنتنەر دەپ العاننىڭ وزىندە ديقاندارىمىز 217 مىڭ توننادان استام استىقتان قاعىلۋى مۇمكىن.