قر پرەمەر-ءمينيسترىنىڭ ورىنباسارى – ساۋدا جانە ينتەگراتسيا ءمينيسترى باقىت سۇلتانوۆ گيگيەنا بۇيىمدارىنىڭ باعاسىنا قاتىستى بولجامىن ايتتى, دەپ حابارلايدى Egemen.kz.
ورتالىق كوممۋنيكاتسيالار قىزمەتىندە وتكەن بريفينگتە مينيسترگە «كەي ساراپشىلار قازاقستاندا تۇرمىستىق حيميا مەن گيگيەنا بۇيىمدارىنىڭ قىمباتتاپ, جەتىستپەيتىنىن ايتىپ وتىر. وسىنداي تاپشىلىققا تاپ كەلىپ وتىرمىز با؟ ونىڭ الدىن الۋ ءۇشىن نە ىستەلىپ جاتىر؟», دەگەن ساۋال قويدى.
ء«سىز ايتىپ وتىرعان ساراپتاما زەرتتەۋلەرى ءتۇرلى سيپاتتا بولۋى مۇمكىن. جالپى ايتساق, قازىرگى تاڭدا لوگيستيكا وزگەرىپ جاتىر. مۇنىڭ تەك ازىق-ت ۇلىك تاۋارىنا عانا, تۇتىنۋ تاۋارىنا دا قاتىسى بار. بىراق گيگەنا بۇيىمدارىمەن بايلانىستى قانداي دا ءبىر پروبلەما كورىپ تۇرعان جوقپىز», دەدى باقىت سۇلتانوۆ باق وكىلىنىڭ سۇراعىنا بەرگەن جاۋابىندا.
ونىڭ ايتۋىنشا, اتالعان تاۋاردىڭ نەگىزگى بولىگى سىرتتان الىناتىندىقتان, تەڭگەرىم ساقتاۋ ماسەلەسى جوق.
«مىسالى, قانتقا قاتىستى جاعدايدا بىزگە ءوزىمىزدىڭ وندىرۋشىلەردىڭ ۇسىنىسى مەن يمپورتتىڭ اراسىندا تەڭگەرىم ساقتاۋ كەرەك ەدى. ال گيگيەنا زاتتارى نەگىزىنەن سىرتتان اكەلىنەدى. ول كانالداردى ەرتە باستان قايتا قارادىق, جەتكىزۋ گەوگرافياسى وزگەرىپ ۇلگەرگەن. بۇل جەردە ءبىز تاپشىلىققا اكەلەتىندەي قانداي دا ءبىر پروبلەما كورىپ وتىرعان جوقپىز», دەدى باقىت سۇلتانوۆ.