الماتى تاۋلارىنداعى تۇتانعان ءشوپتى سوندىرۋگە قر تجم مەن الماتى قالاسى اكىمى اپپاراتىنىڭ 109 قۇتقارۋ قىزمەتىنىڭ تىكۇشاقتارى جۇمىلدىرىلدى, دەپ حابارلايدى Egemen.kz.
«25 شىلدە كۇنى كەشكى ساعات 20:00 شاماسىندا مەدەۋ اۋدانىنداعى قيماسار شاتقالى باۋرايىندا قۇرعاق ءشوپ جانعانى تۋرالى حابارلاما تۇسكەن. وقيعا ورنىنا تجد قۇرامىنداعى تابيعي ءورتتى ءسوندىرۋ جيىنتىق جاساعى 100 ادام, 14 تەحنيكا, ونىڭ ىشىندە ىلە الاتاۋى مۇتپ ات ءپاترۋلى – 60 ادام, 109 قىزمەتى جانە قازاۆياورمان ينسپەكتورلارى دەرەۋ جىبەرىلدى. ءورتتى سوندىرۋگە تجم قازاۆياقۇتقارۋ «مي-8 امت» جانە الماتى قالاسى اكىمى اپپاراتىنىڭ 109 قۇتقارۋ قىزمەتىنىڭ ارقايسىسى 3 توننادان سۋ قۇيۋ قۇرىلعىلارىمەن جابدىقتالعان ەكى اۆيابورتى جۇمىلدىرىلدى», دەپ حابارلادى ۆەدومستۆودان.
جوعارى تىك بەتكەيىنەن, تۇنگى ۋاقىتتا ءورت ءسوندىرۋ تەحنيكاسى مەن اۆيابورتتاردى قولدانۋ مۇمكىندىگى بولمادى, وسىعان بايلانىستى ءورت سوندىرۋشىلەر جانىپ جاتقان جەرگە جاياۋ كوتەرىلدى. وقيعا ورنىنا كەلگەن ءورت ءسوندىرۋ بريگاسى 0, 06 الاڭدا قۇرعاق ءشوپتىڭ جانىپ جاتقانىن انىقتادى. ءورت ءسوندىرۋ ءۇشىن ەرماك اسپالى ءورت سوندىرگىشتەر, شانتستى قۇرالدار (شارتىلداقتار, كۇرەكتەر) قولدانىلدى. ءورت تۇتانعان ايماقتاعى جەر جىرتىلدى.
«تاۋلى-ورماندى جەردە ءورت قاۋپىنىڭ جوعارى بولۋىنا بايلانىستى قالا تۇرعىندارى مەن قوناقتارىن اشىق وتتى پايدالانۋدان, وت جاعۋدان, تەمەكى شەگۋدەن جانە قۇرعاق ءشوپ پەن ورىلعان ءشوپتى ورتەۋدەن باس تارتۋدى سۇرايمىز. اقبك 367-بابىنىڭ 3-بولىگىنە سايكەس ەرەكشە قورعالاتىن تابيعي اۋماقتاردا جاسالعان ءورت قاۋىپسىزدىگى تالاپتارىن بۇزۋ اكىمشىلىك جاۋاپكەرشىلىككە تارتۋعا اكەپ سوعادى. جەكە تۇلعالار 100 اەك مولشەرىندە ايىپپۇل تۇرىندەگى جاۋاپكەرشىلىككە (300 مىڭ تەڭگە) تارتىلادى. ءتىپتى, قىلمىستىق جاۋاپكەرشىلىككە تارتىلۋى مۇمكىن», دەپ اتاپ ءوتتى قالالىق تجد ءباسپسوز قىزمەتىنەن.