تۇركىستان وبلىسىندا اۆتوبان بەتونى كۇننىڭ ىستىعىنان كوتەرىلىپ كەتتى, دەپ حابارلايدى Egemen.kz.
وكيعا كەشە بولعان. جەلىدە تاراعان ۆيدەولاردان جولداعى بەتوننىڭ كوتەرىلىپ, كولىكتەردىڭ جۇرۋىنە كەدەرگى كەلتىرىپ جاتقانىن كورۋگە بولادى.
«رەسپۋبليكالىق ماڭىزى بار م-32 «سامارا-شىمكەنت» اۆتوجولىنىڭ تۇركىستان قالاسى تەمىرلان اۋدانى ماڭىنداعى بولىگىندە (2234 كم) اۋا تەمپەراتۋراسىنىڭ جوعارىلاۋىنا بايلانىستى (+47س دەيىن) تسەمەنت-بەتون جابىنى قوپسىپ كەتتى», دەلىنگەن Qazavtojol Turkestan مەكەمەسىنىڭ Facebook پاراقشاسىندا شىققان اقپاراتتا.
«شىمكەنتدورستروي وك» جشس مەردىگەرلىك ۇيىمى اقاۋدى جويۋ جۇمىسىن جۇرگىزدى. وعان ەكسكاۆاتور, اسفالت تاپتاعىش ماشينا, كاماز, جىككەسۋ قۇرىلعىسى جانە 10 جۇمىسشى جۇمىلدىرىلعان.