دەنيستىڭ «سوقىر ماحابباتى»

ءفيلمنىڭ سيۋجەتى الەۋ­مەتتىك جەلىدە تانىسقان تاع­دىرلى جان­داردىڭ ماحابباتىنا قۇرىل­عان. ءبىرى زاعيپ, ءبىرى مىلقاۋ.

دەنيس تەن بۇل ستسەناريدى 2018 جىلى تيمۋر بەكمام­بەتوۆتىڭ كينوكومپانياسى اتىنان Screenlife Contest باي­قاۋىنا قاتىسۋ ءۇشىن جازعان ەدى. ءوتىنىشىن جاسىرىن جولداپ, فيناليستەر قاتارىنان كورىندى.

«مەن دەنيسكە پيتچينگكە قاتىس دەپ يدەيا ايتتىم. سوسىن ول جاسىرىن تۇردە ءوتىنىش بەردى. بايقاۋعا الەم­نىڭ تۇكپىر-تۇكپىرىنەن 250-دەن استام ءوتىنىم تۇسكەن. نا­تي­جەسىندە, ماسكەۋدە وتكەن حالىقارالىق بايقاۋدا دە­نيس جەڭىمپاز اتاندى. ءبىز ءتۇسىرى­لىمدى لوس-اندجەلەستەن باستاۋ­دى جوسپارلاپ قويعانبىز. بۇل قايعىلى وقيعادان ءبىر اي بۇرىن بولعان ەدى. كەيىن دەنيستىڭ اناسىمەن بىرگە ءفيلم­دى ءتۇسىرۋ كەرەك دەپ شەش­تىك», دەيدى سپورتشىنىڭ دوسى, اتقارۋشى پروديۋسەر يگور تساي.

ءتۇسىرىلىم جۇمىستارى 2019 جىلدىڭ باسىندا باس­تالىپ, ءۇش ايعا سوزىلعان. رە­جيسسەرى – ۆەنەتسيا كينو­فەستي­ۆالىنىڭ جەڭىمپازى چاك چە. حالىقارالىق ءفيلمدى تۇسىرۋگە قازاقستاندىق ماماندار دا اتسالىستى.

يگور تسايدىڭ ايتۋىنشا, فيلم ەل نازارىنا 28 شىلدەدەن باستاپ ۇسىنىلماق. سونداي-اق كۇزدە وڭتۇستىك كورەيادا پروكاتقا شىعادى.