ينۆەستورلاردىڭ جوعارى تەحنولوگياىق كومپانيالارعا ينۆەستيتسيا قۇيىپ, ودان قىسقا مەرزىمدى پەرسپەكتيۆادا تابىس تابۋعا دەگەن ۇمتىلىسىن ۆەنچۋرلى يندۋستريا دەپ اتاساق بولادى. سان ءتۇرلى ستارتاپ, ونەرتابىس جانە تىڭ تەحنولوگيالىق سەرپىلىستەردىڭ پايدا بولۋى, ۆەنچۋرلىق نارىقتىڭ دا كورىگىن قىزدىرىپ جاتىر.
Quest Ventures باسقارۋشى سەرىكتەسى دجەيم تان ۆەنچۋرلىق ينۆەستيتسيانى بەس كومپونەنتكە ءبولىپ جىكتەيدى. العاشقىسى – ستارتاپتار, ياعني, ساپالى ستارتاپ سانىنىڭ كوبەيۋى. ەكىنشىسى – تالانتتاردى دامىتۋدى, كادرلاردى دايارلاۋدى موينىنا الاتىن جوعارى ءبىلىم ورىندارى. ءۇشىنشىسى – تاۋەكەل كاپيتالى. ءتورتىنشىسى – ۇجىمدىق ينۆەستيتسيالاۋ, ساتىپ الۋلار قىزمەتىن ۇسىناتىن كورپوراتسيالار. بەسىنشىسى – ۇكىمەتپەن بايلانىستى ۆەدومستۆولار. مىنە, وسى كومپونەنەنتتەر بىرىككەندە, ستارتاپ بيزنەسى دە تۇلەپ سالا بەرەدى.
«قازىر قازاقستاندا ينۆەستيتسيا سالعىسى كەلەتىن الەم ەلدەرىنىڭ ءتۇرلى قاتىسۋشىلارىنا ۇكىمەتتىڭ وڭ قاباق تانىتىپ جاتقانىن كورىپ وتىرمىز», دەيدى ول.
White Hill Capital سەرىكتەسى دەنيەل سيل ستارتاپتاردى باعالاۋ كەزىندە كاسىپكەرلەر مەن ينۆەستورلار وتە مۇقيات بولۋى كەرەك دەيدى. سونداي-اق ول ستارتاپتاردى دامىتۋ, جوعارى تەحنولوگيالارعا ايرىقشا نازار اۋدارۋ تۇرعىسىنان قازاقستاندى «ورتالىق ازياداعى سينگاپۋر» دەپ تە باعالاپ ءوتتى.
«ۆەنچۋرلىق كاپيتال – بۇل تەك تسيفر عانا ەمەس, بۇل – سوما. بۇل – اقىلدى كاپيتال. ۆەنچۋرلىق ينۆەستور – بىزگە كاسىپكەرلىك رۋحتى سىيلايتىن ادام. ۆەنچۋرلىق قارجىلاندىرۋ جاڭا ستارتاپتار جاساۋعا, جاڭا مودەل قالىپتاستىرۋعا ىقپال ەتەدى. ءبىز شىنىمەن دە ەلدە ترانسفورماتسيا جاساعىمىز كەلەدى», دەپ پىكىر ءبىلدىردى احقو اكىمشىلىگى باسقارما توراعاسى ەرنۇر رىسماعامبەتوۆ.
MOST Ventures باسقارۋشى سەرىكتەسى ءالىم ءحاميتوۆتىڭ ايتۋىنشا, تاپ قازىر ەلدەگى ۆەنچۋرلىق نارىق اينالىمى 80 ملن دوللارعا باعالانادى.
«ستارتاپ اۋقىمدى جوباعا اينالۋى ءۇشىن ورتالىق ازيا نارىعى تارلىق ەتەدى. بىراق ءبىزدىڭ وڭىردە ءوز گيپوتەزاڭ مەن ادەپكى ترەكشندەرىڭدى سىناقتان وتكىزىپ الۋعا تاماشا مۇمكىندىك بار. قازاقستاندا بىرنەشە بيزنەستى ىسكە قوسىپ جاتقان ستارتاپەرلەر پايدا بولا باستادى. 2019 جىلدان بەرى ءبىزدىڭ نارىقتا كوپ جوبا شىقتى جانە ترەند ساننان ساپاعا قاراي اۋىستى. ەسەپتەۋىمىز بويىنشا, ەلىمىزدە 5 مىڭنان استام ستارتاپەر بار. ارينە, ولاردىڭ كوبى دامۋدىڭ العاشقى كەزەڭدەرىندە ءجۇر», دەيدى ءا.حاميتوۆ ەلدەگى ستارتاپ احۋالىنىڭ جالپى كارتيناسىن بىرەر اۋىز سوزگە سىيعىزىپ.
بۇل رەتتە ول قازاقستان يزرايل تاجىريبەسىن ەنگىزۋى قاجەت دەپ سانايدى. «ول جەردە مەملەكەت جەكە ينۆەستيتسيالىق باسقارۋشى كومپانيانى تاۋىپ, سوعان قاراجات بولگەندە قاراجات قورى قۇرىلادى. قوردا العاشقى رەسۋرستاردىڭ پايدا بولۋى ماڭىزدى. مىسالى, 10 ملن دوللاردىڭ 5 ميلليونىن – مەملەكەت, 5 ميلليونىن جەكە ينۆەستور بەرەدى. ەڭ ماڭىزدىسى – ول قوردى جەكە ويىنشىنىڭ باسقارۋى. مەملەكەت بىرتىندەپ قور كاپيتالىنان شىعا باستايدى دا, سوڭىندا ول تولىقتاي جەكە قورعا اينالادى» دەپ ءتۇسىندىردى.
جالپى, مامانداردىڭ باسىم بولىگى ورتالىق ازيادا ستارتاپ-ەكوجۇيەنى دامىتۋ تۇرعىسىنان ەلەۋلى ىلگەرىلەۋ بار دەپ باعالايدى. قازىرگى باستى مىندەت – ۆەنچۋرلىق ينۆەستيتسيا ديناميكاسىنا قولداۋ ءبىلدىرۋ جانە وڭىرلىك ستارتاپتار جاڭا دەڭگەيگە شىعۋى ءۇشىن شىن تالانتتارعا كومەكتەسۋ.