بۇعان دەيىن ديماش قۇدايبەرگەننىڭ ماڭدايى جارقىراسا, بىلتىر رۋحيا بايدۇكەنوۆا جارق ەتە قالعان «سلاۆيان بازارى» حالىقارالىق فەستيۆالىنەن قازاق ونەرىنىڭ قورجىنى بيىل دا قۇرالاقان قايتپادى. اتاپ ايتقاندا, 12 جاسار ءالينۇر حامزين مۋزىكالىق «سلاۆيان بازارى» حالىقارالىق بالالار بايقاۋىندا لاۋرەات اتانىپ, ءىى دارەجەلى ديپلوممەن ماراپاتتالدى.
سوڭعى 5 جىل بويى رەسپۋبليكالىق, حالىقارالىق ءان بايقاۋلارى مەن تەلەجوبالارعا قاتىسىپ جۇرگەن ءالينۇر «سلاۆيان بازارىنىڭ» العاشقى كۇنى مۇقاعالي ماقاتاەۆتىڭ سوزىنە جازىلعان «قازاعىم-اي» ءانىن شىرقادى. قازىلار القاسى جەرلەسىمىزدىڭ ونەرىن جوعارى باعالادى. جارىستىڭ ەكىنشى كۇنى جاس ونەرپاز سموكي روبينسوننىڭ Who's Lovin' You ءانىن ورىندادى. وسىلايشا, جاس ءانشىنىڭ جۇلدىزى جانىپ, 138 ۇپاي جيناپ, لاۋرەات اتاندى.
ءالينۇر حامزين 2010 جىلى ورال قالاسىندا دۇنيەگە كەلگەن. بۇگىندە قالاداعى №27 جانە №1 مۋزىكالىق مەكتەپتەردە ءبىلىم الىپ جاتىر. پاريجدە وتكەن Junior Eurovision بايقاۋى مەن تاشكەنتتە وتكەن «روزا ۆوستوكا» اتتى حالىقارالىق سايىستارعا قاتىسقان جەرلەسىمىزدى جەڭىسىمەن قۇتتىقتاپ, شىعارماشىلىق تابىس تىلەيمىز.