ەكونوميكالىق رەسۋرستاردىڭ زاڭسىز شوعىرلانۋىن انىقتاۋ ماقساتىندا مونوپولياعا قارسى ورگان مۇناي-گاز, فارماتسەۆتيكا, كولىك-لوگيستيكا جانە ەكونوميكانىڭ باسقا دا سەكتورلارىندا تالداۋ جۇمىستارىن جۇرگىزە باستادى, دەپ حابارلايدى Egemen.kz.
بۇل تۋرالى ەكونوميكالىق رەسۋرستاردىڭ زاڭسىز شوعىرلانۋىنا قارسى ءىس-قيمىل ماسەلەلەرى جونىندەگى كوميسسيانىڭ ۆەدومستۆوارالىق جۇمىس توبىنىڭ وتىرىسىندا ايتىلدى.
«تالداۋ ناتيجەلەرى بويىنشا 140 ملرد تەڭگەگە زاڭسىز مونوپوليالىق كىرىس الۋ فاكتىلەرى انىقتالدى. قازىرگى ۋاقىتتا سوتقا دەيىنگى تەرگەپ-تەكسەرۋ جۇرگىزىلۋدە. ماسەلەن, بيىلعى شىلدەدە جامبىل وبلىسى ەكونوميكالىق تەرگەۋ دەپارتامەنتى 697 ملن تەڭگە سوماسىنا مونوپوليالىق تابىس الۋىنا بايلانىستى (قر قك-ءنىڭ 221-بابى بويىنشا) «قازفوسفات» جشس باسشىلىعىنا قاتىستى سوتقا دەيىنگى تەرگەپ-تەكسەرۋدى باستادى», دەلىنگەن حابارلامادا.
ايتا كەتسەك, كوميسسيا قۇرامىنا قۇقىق قورعاۋ, ارناۋلى جانە بىرقاتار ورتالىق اتقارۋشى ورگانداردىڭ, ۇلتتىق بانكتىڭ, قارجى نارىعىن رەتتەۋ جانە دامىتۋ اگەنتتىگىنىڭ, سونداي-اق «سامۇرىق-قازىنا» ۇاق-نىڭ ءبىرىنشى باسشىلارى كىرەدى.