شورت-ترەكتەن قازاقستان كومانداسىنىڭ باپكەرلەر شتابىندا ماڭىزدى وزگەرىس بولدى, دەپ حابارلايدى Egemen.kz ۇلتتىق وليمپيادا كوميتەتىنە سىلتەمە جاساپ.
قۇرامانىڭ باس باپكەرى قىزمەتىنە نۇربەرگەن جۇماعازيەۆ تاعايىندالدى. ول جاقىندا عانا زەينەتكە شىققان مادىعالي قارسىبەكوۆتى الماستىردى. ن.جۇماعازيەۆ وليمپيادا ويىندارىنىڭ قاتىسۋشىسى. سونداي-اق ول الەم كۋبوگىندە, ازيا ويىندارىندا جانە وزگە دە تۋرنيرلەردى مەدال ەنشىلەگەن.
ايتا كەتەيىك, بيىلعى جەلتوقسان ايىندا الماتىدا شورت-ترەكتەن الەم كۋبوگىنىڭ ەكى كەزەڭى وتەدى. اتاپ ايتقاندا, 9-11 جەلتوقساندا جانە 16-18 جەلتوقساندا الەم كۋبوگىنىڭ III جانە IV كەزەڭدەرى ۇيىمداستىرىلادى. الماتى شاھارى الەم كۋبوگى كەزەڭىنە قاتىسۋشىلاردى 2018 جىلى دا قابىلداعان بولاتىن.