بۇگىن «AMANAT» جاستار قاناتىنىڭ كەزەكتەن تىس VI سەزى ءوتتى. وندا جاستار قاناتىن ترانسفورماتسيالاۋدىڭ جاڭا باعدارلاماسى قابىلداندى, دەپ حابارلايدى Egemen.kz.
VI كەزەكتەن تىس سەزدىڭ شەشىمىمەن جاستار قاناتىن ترانسفورماتسيالاۋدىڭ جاڭا باعدارلاماسى قابىلداندى, جاستار ۇيىمىنىڭ اتاۋى وزگەرتىلدى. ورتالىق كەڭەستىڭ قۇرامى قوعامدىق پىكىردىڭ بەلسەندى كوشباسشىلارىن, ۇەۇ وكىلدەرىن جانە ت.ب. تارتۋ ەسەبىنەن كەڭەيتىلدى.
«جاستار رۋحى» اتاۋىن العان جاستار قاناتىنىڭ توراعاسى نۇرجان جەتپىسباەۆ ەلىمىزدەگى ساياسي جۇيەنىڭ ترانسفورماتسياسى «AMANAT» پارتياسىنىڭ ترانسفورماتسياسىنان باستالعانىن ايتتى.
«پارتيانى دامىتۋدىڭ كەلەسى كەزەڭى - ونىڭ جاستار قاناتىن جاڭعىرتۋ. ءبىز جاستار مەن بيلىك اراسىنداعى ءوزارا ءىس-قيمىلدىڭ ءتيىمدى ارناسىنا اينالعىمىز كەلەدى. بارلىق وڭىردەن كەلىپ تۇسكەن ۇسىنىستار نەگىزىندە قايتا جانداندىرۋ باعدارلاماسى ازىرلەندى. سونداي-اق ۇيىمنىڭ ورتالىق كەڭەسىنىڭ قۇرامى قايتا قارالدى», دەدى نۇرجان جەتپىسباەۆ.
بۇل رەتتە «AMANAT» پارتياسىنىڭ توراعاسى جاستار قاناتىنىڭ الدىنا بىرقاتار مىندەت قويدى. اتاپ ايتقاندا, جاستار ماسەلەلەرىنىڭ ايماقتىق كارتالارىن ەنگىزۋ, دارىندى جاستار ءۇشىن جوبالار جارمەڭكەسىن جانە باسقا دا ءىس-شارالاردى وتكىزۋ, جاس كوشباسشىلارعا ارنالعان وقۋ باعدارلامالارىنىڭ تيىمدىلىگىن ارتتىرۋ, NEET ساناتىنداعى جاستاردىڭ پروبلەمالارىن شەشۋ جونىندەگى جۇمىستى كۇشەيتۋ, ء«بىر تولقىندا» پىكىرتالاس الاڭىن جانە جوو تۇلەكتەرىن جۇمىسقا ورنالاستىرۋ بويىنشا اگەنتتىك قۇرۋ.
ايتا كەتسەك, مەملەكەت باسشىسى قاسىم-جومارت توقاەۆ بەينەجازبا ارقىلى «جاستار رۋحى» جاستار قاناتىنىڭ كەزەكتەن تىس VI سەزىنە قاتىسۋشى دەلەگاتتارعا قۇتتىقتاۋ ءسوز ارناپ, ەل جاستارىنا ارنايى ۇندەۋ جولداعان ەدى.