اقتوبە. 29 ءساۋىر. وبلىس ورتالىعىنداعى جاتاقحانادا تۇراتىن 4 جاسار بالا ءتورتىنشى قاباتتان قۇلاپ كەتكەن. باقىتىنا قاراي, ازعانتاي جاراقاتتانعانى وزىنە ولجا, ءتىرى قالدى. بۇل تۋرالى egemen.kz ءتىلشىسى حابارلادى.
وقيعا ۇستىمىزدەگى جىلعى 20 ءساۋىر كۇنى ورىن العان. شاقىرۋ بويىنشا جەتكەن «جەدەل جاردەم» دارىگەرلەرى جانعا باتاتىن جاراقاتى بولماسا دا, ءسابيدى اۋرۋحاناعا سالدى. وبلىستىق بالالار اۋرۋحاناسى جاراقات ءبولىمىنىڭ مەڭگەرۋشىسى مارسەل فارۋزدينوۆتىڭ ايتۋىنشا, تەكسەرۋ كورسەتكەنىندەي, بالا سۇيەك سىنىقتارىنان, ىشكى ورگاندارىنىڭ جاراقاتتانۋىنان, ميعا قان قۇيىلۋىنان ءدىن-امان كورىنەدى.
بالا جاتاقحانانىڭ ءتورتىنشى قاباتىندا ءوزى تۇرعىلاس بالالارمەن ويناپ ءجۇرىپ, تەرەزەدەن قۇلاپ كەتكەن. ابىروي بولعاندا, جەرگە قولايلى تۇسكەن. «پەرىشتەسى قاققان «دەپ وسىندايدا ايتسا كەرەك.
ساتىبالدى ءساۋىرباي.
دەرەككوز: egemen.kz.
فوتو: tengrinews.kz.