«روزا باعلانوۆا اتىنداعى «قازاقكونتسەرت» مەملەكەتتىك كونتسەرتتىك ۇيىمىندا ەلوردا تۇرعىندارى مەن قوناقتارىن ءۇشىن مەرەكەلىك گالا-كونتسەرت وتەدى. ءىس-شارا 61-كونتسەرتتىك ماۋسىمنىڭ جابىلۋىنا ارنالادى, دەپ حابارلايدى Egemen.kz.
كونتسەرت 12 شىلدە كۇنى ساعات 19:00-دە «قازاقستان» ورتالىق كونتسەرت زالىندا وتەدى.
بۇل كەشتە كورەرمەندەر كلاسسيكالىق جانە ۇلتتىق مۋزىكانىڭ جاۋھارلارىنا اينالعان تۋىندىلاردى, زاماناۋي اندەردى تىڭداي الادى.
كونتسەرتتە ازامات جەلتىرگۋزوۆ, مەدەت چوتاباەۆ, بيبىگۇل جانۇزاق, سالتانات احمەتوۆا, ازات ماليك, ايگۇل ەلشىباەۆا, نۇربولات ارزاماس ۇلى, ارداق بالاجانوۆا, مەدەت سالىقوۆ, كلارا تولەنباەۆا, ەربولات شالدىبەكوۆ, اسقار مۇقيات, ۆەنەرا تابىس سىندى تانىمال انشىلەر ونەر كورسەتەدى. سونداي-اق ونەر سۇيەر قاۋىم قازاق مەملەكەتتىك سيمفونيالىق وركەسترى مەن «FORTE-TRIO» مەملەكەتتىك تريوسىنىڭ ورىنداۋىنداعى ۇزدىك شەدەۆرلەردى تىڭداي الادى. كونتسەرتتىڭ ديريجەرلەرى – قالقامان دۇيسەمباەۆ جانە گۋدني ەميلسون (گەرمانيا).