شىمكەنت قالاسى پوليتسيا دەپارتامەنتىنىڭ ءباسپاسوز قىزمەتىنىڭ مالىمەتىنشە, قالاداعى ساۋدا ورتالىقتارىنىڭ بىرىندە كامەلەتكە تولماعان قىز قايتىس بولدى, دەپ حابارلايدى Egemen.kz.
3 شىلدە كۇنى جەدەل باسقارۋ ورتالىعىنىڭ «102» ارناسىنا قالاداعى ويىن-ساۋىق ورتالىقتارىنىڭ بىرىندە كامەلەتكە تولماعان قىز ەلەكتر توعىنا ءتۇسىپ, جان تاپسىرعانى تۋرالى حابارلاما تۇسكەن.
تەكسەرىس بارىسىندا قىزدىڭ سول ورتالىقتا جۇمىس ىستەيتىنى انىقتالدى.
وقيعا قاراتاۋ اۋدانى پوليتسيا باسقارماسى سدتبت-عا قر قىلمىستىق كودەكسىنىڭ 156-بابى 3-بولىگى (ابايسىزدا ادام ولىمىنە اكەپ سوعۋ) بويىنشا تىركەلدى. قازىرگى تاڭدا ءىستىڭ ءمان-جايىن انىقتاۋعا باعىتتالعان تەرگەۋ امالدارى جۇرگىزىلۋدە.