سوت قىرعىزستان قازاقتارى قاۋىمداستىعىنىڭ بۇرىنعى باسشىسى مارات توقتاۋچيكوۆقا قاتىستى ۇكىم شىعاردى, دەپ حابارلايدى Egemen.kz.
24.kg اقپاراتى بويىنشا, ول قىرعىزستان رەسپۋبليكاسىنىڭ قك 307-بابى «مەملەكەتكە وپاسىزدىق جاساۋ» بويىنشا كىنالى دەپ تانىلىپ, جالپى رەجيمدەگى تۇزەۋ كولونياسىندا جازاسىن وتەۋمەن 2 جىل 6 ايعا باس بوستاندىعىنان ايىرىلدى.
2021 جىلعى ساۋىردە قىرعىزستان رەسپۋبليكاسىنىڭ ۇقك مەملەكەتكە وپاسىزدىق جاساعان ەكى ازاماتتىڭ ۇستالعانى تۋرالى اقپارات تاراتتى.
كەيىن ۇستالعانداردىڭ ءبىرى - ساياساتتانۋشى مارات قازاقپاەۆ, ەكىنشىسى - قىرعىزستانداعى قازاق دياسپوراسىنىڭ ەكس-باسشىسى مارات توقتاۋچيكوۆ ەكەنى بەلگىلى بولدى.
ايتا كەتسەك, ساياساتتانۋشى مارات قازاقپاەۆ 10 ماۋسىمدا تەرگەۋ يزولياتورىندا ينسۋلت سالدارىنان قايتىس بولدى, وسىعان بايلانىستى سوت وعان قاتىستى قىلمىستىق ءىستى توقتاتتى.