ەلوردادا تىيىم سالىنعان ايماقتا سۋعا تۇسكەن وقۋشى كوز جۇمدى

قالالىق توتەنشە جاعدايلار دەپارتامەنتىنىڭ حابارلاۋىنشا, قايعىلى وقيعا 3 شىلدەدە ساعات 17.00 شاماسىندا ەسىل وزەنىنىڭ «تۇلپار» كوپىرىنىڭ ماڭىندا بولعان.

«تجد-ءنىڭ 112» كەزەكشى قىزمەتىنىڭ پۋلتىنە 2006 جىلى تۋعان بالانىڭ باتىپ كەتكەنى تۋرالى حابارلاما كەلىپ ءتۇستى. سۇڭگۋىر جاساعى دەرەۋ وزەن تۇبىنە زەرتتەۋ جۇرگىزىپ, بالانىڭ دەنەسىن الىپ شىقتى. سۋدان شىققان بويدا العاشقى دارىگەرگە دەيىنگى مەديتسينالىق كومەك كورسەتىلگەن, بىراق جەدەل مەديتسينالىق جاردەم كەزەكشى بريگاداسىنىڭ قىزمەتكەرلەرى كەلگەننەن كەيىن شومىلۋعا رۇقسات ەتىلمەگەن جەردە شومىلعان 2006 جىلى تۋعان بالانىڭ قايتىس بولعانى انىقتالدى», دەلىنگەن تجد حابارلاماسىندا.

بەلگىلى بولعانداي, №62 مەكتەپ-ليتسەيىنىڭ 4-5 وقۋشىسى تىيىم سالىنعان ايماقتا سۋعا تۇسكەن.

نۇر-سۇلتان قالاسى تج دەپارتامەنتى ەلوردا تۇرعىندارى مەن قوناقتارىنا كەزەكتى رەت قىراعى بولۋعا, رۇقسات ەتىلمەگەن جەرلەردە شومىلماۋعا, سۋ ايدىندارىنداعى قاۋىپسىزدىك قاعيدالارىن بۇزباۋعا, ماس كۇيدە شومىلماۋعا, بالالاردى قاراۋسىز قالدىرماۋعا, كوپىرلەر مەن قايىقتاردان سۋعا سەكىرمەۋگە, بەلگىلەر ءۇشىن جۇزبەۋگە شاقىرادى قورشاۋلار.

ايتا كەتسەك, بۇگىنگى تاڭدا ەلوردادا ءۇش رەسمي ۋچاسكەدە: ورتالىق ساياباق, «تري پەسكاريا» جانە «استانالىق اۋلا» دەمالىس ايماقتارىندا عانا شومىلۋعا رۇقسات ەتىلگەن.