ەلوردا جولدارىندا قوزعالىس ەرەجەلەرىن بۇزعان 430 جۇرگىزۋشى كولىككە الكوگولدىك ىشىمدىك ءىشىپ وتىرعان,دەپ حابارلايدى Egemen.kz قالالىق پد ءباسپاسوز قىزمەتىنە سىلتەمە جاساپ.
«ەلوردادا جىل باسىنان بەرى 40 مىڭعا جۋىق جقە بۇزۋشىلىق انىقتالدى, ونىڭ ىشىندە 430 جۇرگىزۋشى ماس كۇيىندە بولعان. كوممۋنالدىق تۇراققا 1 332 اۆتوكولىك ورنالاستىرىلدى. ماس كۇيىندە باسقارۋ قۇقىعىنان ايىرىلعان كولىك قۇرالىن جۇرگىزگەنى ءۇشىن قر قك 346-بابى بويىنشا 44 جۇرگىزۋشى جاۋاپكەرشىلىككە تارتىلدى», دەلىنگەن دەپارتامەنت اقپاراتىندا.
انىقتالعانداي, جول قوزعالىسى ەرەجەلەرىن بۇزعاندار اراسىندا كولىك جۇرگىزۋ قۇقىعىنان ايىرىلعاندار دا جوق ەمەس.
«30 ماۋسىم كۇنى ساعات 4:20-دا نۇر-سۇلتان قالاسى پد مامانداندىرىلعان پاترۋلدىك پوليتسيا باتالونىنىڭ قىزمەتكەرلەرى قوناەۆ كوشەسى مەن ماڭگىلىك ەل داڭعىلىنىڭ قيىلىسىندا «Nissan Almera» ماركالى اۆتوكولىگىن توقتاتتى. 23 جاستاعى جۇرگىزۋشىنىڭ قۇجاتتارىن تەكسەرۋ كەزىندە الكوگولدىڭ ءيىسى شىققان. مەديتسينالىق كۋالاندىرۋ ناتيجەلەرى بويىنشا جەڭىل دارەجەدەگى الكوگولدىك ماساڭدىق انىقتالدى. جۇرگىزۋشىنىڭ وسى جىلعى مامىردا اۆتوكولىك قۇرالىن باسقارۋ قۇقىعىنان ايىرىلعانى بەلگىلى بولدى. ءتارتىپ بۇزۋشىعا قاتىستى قر قك 346-بابى «كولىك قۇرالدارىن باسقارۋ قۇقىعىنان ايىرىلعان جانە الكوگولدىك ماساڭ كۇيدەگى ادامنىڭ كولىك قۇرالىن باسقارۋى» بويىنشا سوتقا دەيىنگى تەرگەۋ باستالدى», دەلىنگەن حابارلامادا.
ءتارتىپ بۇزۋشى قالالىق پد ۋاقىتشا ۇستاۋ يزولياتورىنا قامالدى, ال ونىڭ اۆتوكولىگى كوممۋنالدىق تۇراققا قويىلعان.