اباي وبلىسى كوكپەكتى اۋدانىنىڭ اكىمى بولىپ دىلدابەك ورازباەۆ تاعايىندالدى, دەپ حابارلايدى Egemen.kz.
دىلدابەك ءتاجىباي ۇلى 1961 جىلى 8 مامىردا وڭتۇستىك قازاقستان وبلىسى تولەبي اۋدانى قاسقاسۋ اۋىلىندا دۇنيەگە كەلگەن.
1988 جىلى قازاقتىڭ ەڭبەك قىزىل تۋ وردەندى اۋىل شارۋاشىلىعى ينستيتۋتىن عالىم اگرونوم جانە 2009 جىلى الماتى ەكونوميكالىق ۋنيۆەرسيتەتىن قارجىگەر ماماندىقتارى بويىنشا بىتىرگەن.
ەڭبەك جولىن وڭتۇستىك قازاقستان وبلىسى لەنگەر اۋدانىنىڭ اباي اتىنداعى ۇجىمشارىندا مەحانيزاتور بولىپ باستادى.
ءار جىلدارى اتالعان ۇجىمشاردا باس ەكونوميست, بريگادير, باس اگرونوم, توراعا, وڭتۇستىك قازاقستان وبلىسى تولەبي اۋدانى بويىنشا سالىق بولىمىندە اعا سالىق ينسپەكتورى, «اعجان-ماعجان» جشس ديرەكتورى, وڭتۇستىك قازاقستان وبلىسى تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باستىعى بولىپ جۇمىس ىستەدى.
2013-2019 جىلدارى ارالىعىندا تارباعاتاي اۋدانىنىڭ اكىمى, 2019-2020 جىلدارى اياگوز اۋدانىنىڭ اكىمى قىزمەتىن اتقاردى.
كوكپەكتى اۋدانىنىڭ اكىمى بولىپ تاعايىندالعانعا دەيىن شقو ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ باسشىسى بولىپ ەڭبەك ەتتى.