«قازاتومونەركاسىپ» ۇلتتىق اتوم كومپانياسى بىرىككەن ۇلتتار ۇيىمىنىڭ جاھاندىق شارتىنىڭ (UN Global Compact) تولىق قۇقىقتى قاتىسۋشىسىنا اينالدى.
بۇۇ-نىڭ جاھاندىق شارتى – كورپوراتيۆتىك الەۋمەتتىك جاۋاپكەرشىلىك جانە تۇراقتى دامۋ سالاسىنداعى الەمدەگى ەڭ ءىرى باستاما. ول قازىرگى كۇنى الەۋمەتتىك ماڭىزدى ماقساتتارعا قول جەتكىزۋ ءۇشىن شارالار قابىلداۋدا الەمنىڭ 161 ەلىنەن 16 مىڭنان استام قاتىسۋشى-كومپانيانى بىرىكتىرىپ وتىر.
بۇۇ-نىڭ جاھاندىق شارتى بۇۇ مەن ۇكىمەتتەر, ازاماتتىق قوعام جانە جەكە سەكتور اراسىنداعى ىنتىماقتاستىق پەن ارىپتەستىك قاتىناستاردى نىعايتۋدا نەگىزگى ءرول اتقارادى. وسى باستاماعا قوسىلۋ قاتىسۋشى-كومپانيالاردىڭ ءوز قىزمەتىندە ادام قۇقىقتارى, ەڭبەك قاتىناستارى, قورشاعان ورتانى قورعاۋ جانە سىبايلاس جەمقورلىققا قارسى كۇرەس سالاسىنداعى بۇۇ جاھاندىق شارتىنىڭ ون امبەباپ قاعيداتىن, سونداي-اق بۇۇ-نىڭ ون جالپىعا ورتاق قاعيداتى مەن قۇندىلىقتارىن ىلگەرىلەتۋ ماقساتىندا قاتىسۋشىلاردىڭ ستراتەگيالارى مەن قىزمەتىن ۇيلەستىرۋگە جانە بۇۇ-نىڭ جاھاندىق قاعيداتتارى مەن تۇراقتى دامۋ سالاسىنداعى الەۋمەتتىك ماقساتتارعا قول جەتكىزۋگە ارنالعان شارالاردى دايەكتىلىكپەن ەنگىزۋگە بەيىلدىلىگىن راستايدى.
– بۇۇ جاھاندىق شارتىنا قوسىلۋ كومپانيانىڭ نەگىزگى ون قاعيداتتى ۇستاناتىنىن جانە بۇۇ-نىڭ تۇراقتى دامۋ سالاسىنداعى جاھاندىق كۇن تارتىبىنە, ماقساتتارى مەن باستامالارىنا قولداۋ كورسەتەتىنىن راستايدى. تۇراقتى دامۋ – كومپانيانىڭ دامۋ ستراتەگياسىنىڭ اجىراماس بولىگى. ونى ىسكە اسىرۋ شەڭبەرىندە ونەركاسىپتىك قاۋىپسىزدىك, ەكولوگيالىق جانە الەۋمەتتىك جاۋاپكەرشىلىك, كورپوراتيۆتىك باسقارۋ سالاسىنداعى ەڭ جوعارى حالىقارالىق ستاندارتتارعا سايكەس كەلۋ ءۇشىن كورپوراتيۆتىك تاجىريبەلەردى جەتىلدىرۋ بويىنشا تۇراقتى جۇمىس جۇرگىزىلەدى. الەمدىك جەتەكشى تابيعي ۋران ءوندىرۋشى جانە جەتكىزۋشى رەتىندە «قازاتومونەركاسىپ» ءوز قىزمەتىنىڭ نەگىزگى اسپەكتىلەرىنە بۇۇ جاھاندىق شارتىنىڭ ون قاعيداتىن ەنگىزۋ جونىندەگى جۇمىستى جالعاستىرادى جانە تۇراقتى دامۋ سالاسىنداعى ۇزدىك الەمدىك تاجىريبەلەردى ۋران ءوندىرۋ سالاسىندا عانا ەمەس, جالپى قازاقستاندىق ىسكەرلىك قوعامداستىقتا دا بيزنەستى جاۋاپتى جۇرگىزۋ ستاندارتتارىن ىلگەرىلەتۋگە ىقپال ەتەتىن بولادى, – دەيدى «قازاتومونەركاسىپتىڭ» باسقارما توراعاسى ءماجيت ءشارىپوۆ.
«قازاتومونەركاسىپ» – الەمدەگى ەڭ ءىرى ۋران ءوندىرۋشى. توپتىڭ سالاداعى ەڭ ءىرى رەزەرۆتىك ۋران بازاسى بار. «قازاتومونەركاسىپ» ەنشىلەس, تاۋەلدى جانە بىرلەسكەن ۇيىمدارمەن بىرگە 14 ۋران ءوندىرۋشى كاسىپورىنعا بىرىكتىرىلگەن 26 كەن ورنىن يگەرۋدە. بارلىق ۋران ءوندىرۋشى كاسىپورىندار قازاقستان اۋماعىندا ورنالاسقان. كومپانيانىڭ باعالى قاعازدارى لوندون قور بيرجاسىندا, «استانا» حالىقارالىق قارجى ورتالىعىنىڭ بيرجاسىندا جانە قازاقستان قور بيرجاسىندا ورنالاستىرىلعان.