نۇر-سۇلتان قالاسىنىڭ پوليتسيا قىزمەتكەرلەرى «قاراسورا» جەدەل الدىن الۋ ءىس-شاراسى اياسىندا ارنايى وپەراتسيا وتكىزدى, دەپ حابارلايدى Egemen.kz.
وپەراتسيا بارىسىندا 37 جاستاعى كۇدىكتى ۇستالدى. ونىڭ ۇيىنە ءتىنتۋ جۇرگىزىلىپ, ناتيجەسىندە گاراجداعى كولىكتەن جالپى سالماعى 40 كەلى بولاتىن ەكى ماريحۋانا پاكەتى تابىلىپ, تاركىلەندى.
اتالعان فاكتى بويىنشا قر قك 297-بابى 2-بولىگى «ەسىرتكى زاتتاردى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, ساتىپ الۋ, ساقتاۋ, تاسىمالداۋ, جونەلتۋ نەمەسە وتكىزۋ» بويىنشا سوتقا دەيىنگى تەرگەۋ جۇرگىزىلۋدە, بۇل 12 جىلعا دەيىنگى مەرزىمگە باس بوستاندىعىنان ايىرۋعا اكەپ سوعادى. پوليتسيا قىزمەتكەرلەرى ەسىرتكى جەتكىزۋ ارناسىن, سونداي-اق ەسىرتكىنىڭ زاڭسىز اينالىمىنا قاتىسى بار ادامداردى ىزدەۋدە», دەلىنگەن قر ءىىم ءباسپاسوز قىزمەتى تاراتقان حابارلامادا.