ۇقك شەكارا اكادەمياسىنىڭ 200-دەن استام كۋرسانتى العاشقى وفيتسەرلىك شەن الىپ, قاسيەتتى ءبىلىم شاڭىراعىنىڭ قابىرعاسىنان تۇلەپ ۇشتى. راسىمگە ۇقك توراعاسى ە.ساعىمباەۆ جانە ۇقك توراعاسىنىڭ ورىنباسارى – شەكارا قىزمەتىنىڭ ديرەكتورى گەنەرال-مايور ە.الداجۇمانوۆ قاتىستى, دەپ حابارلايدى Egemen.kz.
ءراسىم قاڭتار وقيعاسىندا قازا تاپقانداردى ءبىر مينۋت ۇنسىزدىكپەن ەسكە الۋمەن باستالدى.
شەكاراشىلار اكادەمياسىن بىتىرۋشىلەرگە ديپلوم مەن كەۋدە بەلگىسىن تاپسىرۋ راسىمىنە قاتىسقان مارتەبەلى قوناقتاردىڭ اراسىندا شەكارا قىزمەتىنىڭ گەنەرالى قۇسايىن يمانعالي ۇلى بەرقاليەۆ باستاعان ارداگەرلەر دە بولدى.
ديپلوم تاپسىرۋ راسىمىنەن كەيىن باستالعان شارانىڭ العاشقى ءسوز كەزەگى بەرىلگەن قر ۇقك توراعاسى ەرمەك ساعىمباەۆ ءبىتىرۋشى تۇلەكتەردى بۇگىنگى اتاۋلى كۇنمەن قۇتتىقتاپ, ولاردىڭ ەل شەبىندەگى قىزمەتتەرىنە ساتتىلىك تىلەدى. ۇقك توراعاسىنىڭ ورىنباسارى – شەكارا قىزمەتىنىڭ ديرەكتورى گەنەرال-مايور ەرلان الداجۇمانوۆ وسىدان ءتورت جىل بۇرىن كۋرسانت اتانىپ, شەكارا قىزمەتىنىڭ تاكتيكاسىن ۇيرەنۋگە كىرىسكەن بوزبالالار – بۇگىن العاشقى وفيتسەرلىك شەنگە قول جەتكىزگەن لەيتەنانتتارعا جاۋاپتى سەنىم ارتىلاتىنىن جەتكىزدى.
جاس لەيتەنانتتارمەن بىرگە 20-دان استام ماگيسترانت ديپلوم الدى. قازاقستاندىق شەكاراشىلاردان بولەك, وقۋ ورنىن تاجىكستان جانە قىرعىز رەسپۋبليكاسىنان كەلگەن 30-دان استام شەتەلدىك كۋرسانت ءساتتى ءبىتىردى.