پاۆلودار وبلىسىندا سۋعا باتىپ كەتكەن قىزدىڭ دەنەسى تابىلدى, دەپ حابارلايدى Egemen.kz Pavlodarnews.kz سايتىنا سىلتەمە جاساپ.
قۇتقارۋشىلار ەرتىس اۋدانىندا سۋعا باتىپ كەتكەن 19 جاستاعى قىزدىڭ دەنەسىن تاپتى.
«دەنەسى وزەننەن 11:16-دا شىعارىلدى. پاۆلوداردان بەس ادام, ەكى تەحنيكا جانە ءبىر ءجۇزۋ قۇرالى جانە اۋداندىق توتەنشە جاعدايلار بولىمىنەن ەكى ادام جۇمىس ىستەدى», دەدى اۋداندىق ءبولىم باستىعىنىڭ مىندەتىن اتقارۋشى ازامات نۇرعوجين.
سونداي-اق ول 21 جاستاعى جىگىتتى ىزدەۋ جالعاسىپ جاتىر دەپ قوستى.
ەستەرىڭىزگە سالا كەتەيىك, 26 ماۋسىمدا قىز بەن جىگىت پيكنيك كەزىندە سۋعا باتىپ كەتكەن. ولار اتا-انالارىمەن جابدىقتالماعان جاعاجايدا دەمالعان.