مەملەكەت باسشىسى ماليكا ءزياديننىڭ ءاردايىم جەڭىس تۇعىرىنان كورىنۋىنە تىلەكتەستىك ءبىلدىردى. بۇل تۋرالى اقوردانىڭ رەسمي سايتى ءمالىم ەتتى, دەپ حابارلايدى Egemen.kz.
«جەتى جاسقا دەيىنگى بۇلدىرشىندەر اراسىندا وتكەن سايىستا جوعارى دەڭگەيدە ونەر كورسەتىپ, ەكى بىردەي اتاقتى يەلەنۋىڭ – قازاقستاننىڭ شاحمات تاريحىندا بۇرىن-سوڭدى بولماعان جەتىستىك. سەن تۋما تالانتىڭ مەن جەڭىسكە دەگەن ەرىك-جىگەرىڭنىڭ ارقاسىندا وسىنداي بيىك بەلەستى باعىندىردىڭ. ءوزىڭ ءىزىن باسىپ كەلە جاتقان قازاقستاندىق شاحمات شەبەرلەرىنىڭ داڭقتى جولىن لايىقتى جالعاستىراتىنىڭا كامىل سەنەمىن», دەپ جازىلعان پرەزيدەنتتىڭ قۇتتىقتاۋ حاتىندا.
ەسكە سالا كەتەيىك, جەتى جاسار قازاقستاندىق شاحماتشى فيدە-ءنىڭ الەم چەمپيونى اتاندى.