كاسپي تەڭىزىنىڭ قازاقستاندىق سەكتورىندا ىزدەستىرۋ-قۇتقارۋ ءىس-قيمىلدارى بويىنشا تاكتيكالىق-ارنايى وقۋ-جاتتىعۋلار ءوتتى, دەپ حابارلادى قورعانىس مينيسترلىگىنىڭ ءباسپاسوز قىزمەتى.
وقۋ-جاتتىعۋدىڭ جوسپارى بويىنشا تەڭىزدەگى كەمەنىڭ ديزەل-گەنەراتور بولىگىنەن ءورت شىقتى. جالىننىڭ كەسىرىنەن كەمە توقتان تولىقتاي اجىراتىلىپ, نەگىزگى قوزعالتقىشتار ىستەن شىعىپ قالدى. ازاماتتىق كەمەنىڭ ءورت ءسوندىرۋ توبى دا ءتىلسىز جاۋدى اۋىزدىقتاي المايدى.
كەمەنىڭ ورنالاسقان جەرى, ونىمەن بايلانىستىڭ بولماۋىن ىزدەستىرۋ ءۇشىن اسكەري-تەڭىز كۇشتەرى مەن اۋە قورعانىسى كۇشتەرى اۆياتسياسىنىڭ, ماڭعىستاۋ وبلىسى بويىنشا ۇلتتىق قاۋىپسىزدىك كوميتەتى شەكارا قىزمەتى دەپارتامەنتىنىڭ, توتەنشە جاعدايلار مينيسترلىگى بولىمشەلەرىنىڭ كورابلدەرى مەن كاتەرلەرىنىڭ بىرلەسكەن ءىس-قيمىلدارى ۇيىمداستىرىلدى.
بىرلەسكەن ءىس-قيمىلداردىڭ ناتيجەسىندە اپاتقا ۇشىراعان كەمەنىڭ كوورديناتتارى بەلگىلەنىپ, ءورت دەر كەزىندە اۋىزدىقتالدى. ال كەمە جاقىن ماڭداعى پورتقا سۇيرەتىپ جەتكىزىلدى.
– ىزدەستىرۋ-قۇتقارۋ جۇمىستارىن جۇرگىزۋ كەزىندە بىرلەسكەن ءىس-قيمىلداردى ۇيىمداستىرۋ جونىندەگى وقۋ-جاتتىعۋلاردىڭ نەگىزگى ماقساتىنا قول جەتكىزىلدى. مۇنداي وقۋ-جاتتىعۋلاردى وتكىزۋ پراكتيكاسى جالعاسا بەرەدى, – دەپ اتاپ ءوتتى اسكەري-تەڭىز بازاسى كومانديرىنىڭ جاۋىنگەرلىك دايارلىق جونىندەگى ورىنباسارى II دارەجەلى كاپيتان باۋىرجان مۇرات ۇلى.