پرەمەر-ءمينيستردىڭ ءبىرىنشى ورىنباسارى رومان سكليار كورەيا رەسپۋبليكاسى پرەزيدەنتىنىڭ ارناۋلى وكىلى – پرەزيدەنت اكىمشىلىگىنىڭ باسشىسى كان حۋن شيكپەن جانە كورەيا رەسپۋبليكاسىنىڭ ساۋدا, ونەركاسىپ جانە رەسۋرستار ءمينيسترى كيم چون كۆانمەن كەزدەستى.
كەلىسسوز بارىسىندا تاراپتار ساۋدا-ەكونوميكالىق, ينۆەستيتسيالىق ىنتىماقتاستىققا, سونداي-اق ەنەرگەتيكا مەن ونەركاسىپ سالالارىنداعى بىرلەسكەن جوبالاردى جۇزەگە اسىرۋعا باسا نازار اۋدارا وتىرىپ, ەكىجاقتى ىنتىماقتاستىقتى دامىتۋ جايىن تالقىلادى. ينۆەستيتسيالىق ارىپتەستىكتى كەڭەيتۋ مۇمكىندىگى, سونىڭ ىشىندە كورەيالىق كومپانيالاردىڭ مۇناي-گاز جوبالارىنا, تاۋ-كەن, مەتاللۋرگيا ونەركاسىبىنە, سونداي-اق يادرولىق ەنەرگەتيكانى دامىتۋعا قاتىسۋى قاراستىرىلدى. سونىمەن قاتار ۇكىمەتارالىق كوميسسيانىڭ كەلەسى وتىرىسىنا دايىندىق ماسەلەلەرى دە ءسوز بولدى.
كەزدەسۋ قورىتىندىسىندا ستراتەگيالىق سەرىكتەستىكتى ودان ءارى نىعايتۋعا, بىرلەسكەن باستامالاردى جۇزەگە اسىرۋعا ءوزارا مىندەتتەمە راستالدى.